Aýa raıy
Astana 3 °S
Almaty 8 °S
valıýta baǵamy
USD 421.58
EUR 496.83
RUB 5.53
CNY 62.20

30 shilde kúni Baıqońyrdan «Proton-M» zymyrany ushyrylady

2020 jyldyń 26 shilde 2020 14:55

BAIQOŃYR. QazAqparat - «Brız-M» údetkish blogy men «Ekspress-103» jáne «Ekspress-80» reseılik telekommýnıkatsııalyq ǵarysh apparattary bar «Proton-M» zymyran-tasyǵyshyn ushyrýǵa daıyndyq aıaqtalýǵa jaqyn, dep habarlaıdy QazAqparat tilshisi.

Keshe, 2020 jyldyń 25 shildesinde memlekettik komıssııa ǵaryshtyq maqsattaǵy zymyrannyń, mamandardyń, jerústi ǵarysh ınfraqurylymy obektileriniń ushyrýǵa daıyndyǵyn qarap, ǵarysh aılaǵynyń №200 start keshenine ǵaryshtyq maqsattaǵy zymyrandy shyǵarý týraly sheshim qabyldady, dep habarlaıdy Roskosmostyń baspasóz qyzmeti.

Búgin tańerteńnen zymyrandy tehnologııalyq janarmaı quıý alańynan starttyq keshenge tasymaldaý jáne ony ornatý jumystary bastaldy.

«Brız-M» údetkish blogy men reseılik telekommýnıkatsııalyq ǵarysh apparattary bar «Proton-M» zymyran-tasyǵyshyn ushyrý 2020 jyldyń 30 shildesine, Nur-Sultan ýaqytymen 03:27:42-ge josparlanǵan.

«Ekspress-80» jáne «Ekspress-103» — «Ekspress-1000N» spýtnıktik platforma bazasynda akademık M.F. Reshetnev atyndaǵy «Aqparattyq spýtnıktik júıeler» kompanııasynda daıyndalǵan orta sanattaǵy reseılik telekommýnıkatsııalyq ǵarysh apparattary.

Spýtnıkter belgilengen jáne jyljymaly baılanys qyzmetterin, tsıfrlyq teleradıo habar taratýdy, «Internet» aqparattyq-telekommýnıkatsııa jelisine joǵary jyldamdyqty, sondaı-aq Reseı aýmaǵynda jáne TMD elderinde C-, Ku- jáne L- dıapazondarda málimet berýdi qamtamasyz etýge arnalǵan.





Avtor: Sara Qabıqyzy


Basty sózder: Baıqońyr, Ǵarysh,
Joǵary qaraı