Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«30 jyl 30 esim» ulttyq júldesi úmitkerlerine daýys berý bastaldy

2021 jyldyń 23 qarasha 2021 18:52

NUR-SULTAN. QazAqparat - «Qazaqstan» teleradıokorporatsııasy Táýelsizdiktiń 30 jyldyǵyna oraı osy jyldar ishinde el damýyna orasan zor úles qosqan qazaqstandyqtar arasynda «30 jyl 30 esim» ulttyq baıqaýyn jarııalady, dep habarlaıdy QazAqparat tilshisi.

Korporatsııa baspasóz qyzmetiniń málimetinshe, televızııalyq júlde sońǵy 30 jylda ár salada jetistikke jetken biregeı tulǵalarǵa tabystalady. Ár atalym boıynsha 5 úmitker sarapshylardan quralǵan arnaıy komıssııa sheshimmen iriktelip, daýys berýge shyǵaryldy. Teleradıokorporatsııanyń resmı saıtyndaǵy jalpyhalyqtyq daýys berý 30 qarashaǵa deıin jalǵasady.

Baıqaý:

- Medıtsına jáne densaýlyq saqtaý salasyna qosqan úlesi úshin;

- Qoǵamdyq belsendiligi úshin;

- Mádenıet salasyna sińirgen eńbegi úshin;

- Kıno salasyna qosqan úlesi úshin;

- Sport salasyndaǵy jetistikteri úshin;

- Ǵylymnyń damýyna qosqan úlesi úshin;

- Bilim salasynyń damýyna qosqan úlesi úshin;

- Aýyl sharýashylyǵy jáne agroóndiris salasyna qosqan úlesi úshin;

- Dástúrli ónerdiń damýyna qosqan úlesi úshin;

- «Ádebıet» atalymdary boıynsha ótedi.

Ulttyq júldege úmitkerler arasynda qoǵam qaıratkeri Asyly Osman, medıtsına ǵylymdarynyń doktory, akademık Serik Aqsholaqov, ánshi Dımash Qudaıbergen, kıno rejısseri Aqan Sataev, kásipqoı boksshy, Beıjiń Olımpıadasynyń qola júldegeri Qanat Islam, bilim berý isiniń úzdigi Aıagúl Mırazova, aqyn, Memlekettik syılyqtyń laýreaty Ulyqbek Esdáýlet bar.

Daýys sany arqyly qazaqstandyqtardyń keń qoldaýyna ıe bolǵan jeńimpazdar 16 jeltoqsan – Táýelsizdik qarsańynda ótetin arnaıy keshte marapattalady.

Úmitkerlerge myna silteme arqyly daýys berýge bolady: https://vote.kaztrk.kz/


Joǵary qaraı