Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

300 mln teńge qaryzy bar qazaqstandyqtyń shetelge shyǵýyna shekteý qoıyldy

2021 jyldyń 23 qarasha 2021 08:43

NUR-SULTAN. QazAqparat – 300 mln teńge qaryzy bar boryshkerdiń shetelge shyǵýyna shekteý qoıyldy. Bul týraly QazAqparat QR Joǵarǵy sottyń baspasóz qyzmetine silteme jasap habarlaıdy.

Memlekettik sot oryndaýshysy (jaýapker) kassatsııalyq shaǵymmen júgindi. Buǵan deıin sottar jeke tulǵanyń Qazaqstan Respýblıkasynyń aýmaǵynan tys jerlerge shyǵýyn belgili bir derekterdiń bolmaýyna baılanysty ýaqytsha shekteý jónindegi qaýlysynyń kúshin joıǵan.

Qazirgi kezde talapkerdiń qaryzy 300 mln teńgege jýyq, aı saıyn 25 myń teńgeden tóleıdi. Talapker qaryzyn tóleýden bas tartyp otyrǵan joq, biraq onyń bereshegin óteıtin qandaı da bir aktıvteri joq. Boryshker medıtsınalyq tekserýden ótý úshin elimizdiń aýmaǵynan shyqqysy keledi. Bul rette talapker elimizdiń medıtsınalyq kómegine júginbeıdi jáne onyń dıagnozyn anyqtaǵysy keletin naýqasy aýyr sanatqa jatpaıdy.

Joǵarǵy Sottyń ákimshilik ister jónindegi sot alqasynyń tujyrymy mynadaı:

1) Qaryzdyń kórsetilgen mólsheri kezinde shyǵýdy shekteý – zańǵa sáıkes memlekettik sot oryndaýshysynyń mindeti. Oǵan sot sanktsııa berdi.

2) Boryshkerdiń quqyqtary buzylmaǵan, óıtkeni oǵan buǵan deıin belgilengen tártippen emdelý úshin shetelge shyǵý quqyǵy berilgen.

3) Boryshkerdiń shekteýdi toqtata turý týraly sońǵy ótinishi qajetti qujattarmen rastalmaǵandyqtan, memlekettik sot oryndaýshysy ony qanaǵattandyrmaǵan. Boryshker onyń sheshimine shaǵym keltirmegen.

4) Sottar daýly qaýlydaǵy kemshilikterdi durys atap ótti, biraq olar shyǵýǵa shekteý erejeleriniń zańsyzdyǵyna ákep soqpaıtynyn, ıaǵnı formaldy bolyp tabylatynyn eskermegen.

5) ÁRPK-niń 84-babynyń 1-tarmaǵyna sáıkes, máni boıynsha durys ákimshilik akt bir ǵana formaldy negizder boıynsha zańsyz dep tanyla almaıdy.

Kassatsııa tómengi satydaǵy sottardyń aktileriniń kúshin joıyp, talapker – jeke tulǵanyń talap qoıýyn qanaǵattandyrýdan bas tartty.


Basty sózder: Qoǵam, QR Joǵarǵy soty,
Joǵary qaraı