Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

300 myń adam vaktsına qabyldasa, elordada indettiń ósýi toqtaıdy –densaýlyq saqtaý basqarmasynyń basshysy

2021 jyldyń 16 sáýir 2021 20:23

NUR-SULTAN. QazAqparat - Qazir elordada 100-den astam egý pýnkti jumys isteıdi, vaktsınatsııa tańǵy 8-den túngi 12-ge deıin júrgiziledi. Búgingi tańda koronavırýsqa qarsy vaktsınany 49 myń qala turǵyny aldy, dep habarlaıdy QazAqparat Nur-Sultan ákimdiginiń resmı saıtyna silteme jasap.

Elorda ákiminiń orynbasary Baqtııar Mákenniń tóraǵalyǵymen Nur-Sultanda koronavırýstyq ınfektsııanyń paıda bolýy men taralýyna jol bermeý jónindegi komıssııanyń otyrysy ótti. Qala ákimdiginde ótken keńes barysynda qalalyq Qoǵamdyq densaýlyq saqtaý basqarmasynyń basshysy Tımýr Muratov turǵyndardy jappaı vaktsınatsııalaý qalaı júrgizilip jatqany týraly aıtyp berdi.

«Búgingi tańda qalada 100-den astam pýnktte vaktsınatsııa júrgizilýde. Biz kúnine 5 myńnan astam adamdy vaktsınatsııalaımyz. Qazir bizde 49 myń adam birinshi komponentpen vaktsınatsııalandy. Osylaısha 50 myń adam 1 mamyrǵa deıin ımmýndalǵan bolady. Halyqtyń belsendiligi jaman emes. Biz sondaı-aq uıymdastyrylǵan ujymdarǵa kóshpeli brıgadamen baryp, sol jerde vaktsınatsııalaı alamyz», — dedi T.Muratov.

Ol sondaı-aq emhanalardan basqa halyqty vaktsınatsııalaý «Mega Silk Way»SOO-da júrgizilip jatqanyn aıtyp ótti. Jaqyn arada mundaı pýnktter «Han Shatyr», «Kerýen» SOO-larynda ashylady.

«Jyl saıyn tumaýǵa qarsy vaktsınany 130 myń turǵynǵa salamyz, bul — eń osal kontıngent. Osylaısha, bizde qystygúni tumaý epıdemııasy bolmaıdy. Bul jaǵdaıdy baqylaýda ustaımyz. Eger qazir koronavırýsqa qarsy 300 myń vaktsına salsaq, aýrý deńgeıi tómender edi. Al 600 myń qala turǵyny vaktsınatsııalanǵan kezde juqtyrý qaýpi bolmaıdy», — dedi qalalyq Qoǵamdyq densaýlyq saqtaý basqarmasynyń basshysy.

Otyrys sońynda Baqtııar Máken múddeli memlekettik organdardyń bárine halyq arasynda, onyń ishinde iri, sondaı-aq ózge de ujymdarda KVI-ǵa qarsy jappaı vaktsınatsııalaý boıynsha belsendi túsindirý jumystaryn júrgizýdi tapsyrdy.


Joǵary qaraı