Aýa raıy
Astana 7 °S
Almaty 21 °S
valıýta baǵamy
USD 421.58
EUR 496.83
RUB 5.53
CNY 62.20

31 arnanyń burynǵy basshysy Densaýlyq saqtaý mınıstrliginiń resmı ókili bolyp taǵaıyndaldy

2020 jyldyń 31 shilde 2020 19:28

NUR-SULTAN. QazAqparat - 31 arnanyń burynǵy dırektory Baǵdat Qojahmetov QR Densaýlyq saqtaý mınıstrliginiń resmı ókili bolyp taǵaıyndaldy, dep habarlaıdy QazAqparat tilshisi.

«Men kesheden beri Densaýlyq saqtaý mınıstrliginiń resmı ókili bolǵandyǵy týraly aqparatty rastaımyn. Shamamen 10 kún buryn Facebook-tegi paraqshama densaýlyq saqtaý mınıstri Alekseı Tsoıǵa osy qıyn ýaqytta kómektesýge daıyn ekenimdi jazǵan bolatynmyn. Ókinishke qaraı, men adamdardy qalaı saýyqtyrýdy bilmeımin, qoldan kelse ony da jasar edim. Biraq men buqaralyq aqparat quraldarymen jáne qoǵammen baılanys salasynda qalaı jumys isteý kerektigin bilemin. 1-2 kúnde mınıstr qońyraý shalyp, osy jumysty usyndy. Men qýana kelistim. Bir jaǵynan bul men úshin - azamattyq paryz, ekinshi jaǵynan bul - kásibı mindet», - dedi Baǵdat Kojahmetov QazAqparat tilshisimen telefon arqyly sóılesken kezde.

Onyń aıtýynsha, jumystyń alǵashqy kúni óz nátıjesin berdi.

«Jumystyń alǵashqy kúninde biz QR Densaýlyq saqtaý mınıstrliginiń Aqparattyq ortalyǵyn quratyn bolyp sheshtik. Bizdiń basty mindetimiz - búgingi kúnge deıin jınalǵan barlyq máselelerdi sheshý úshin qoǵammen sapaly baılanys ornatý», - deıdi Densaýlyq saqtaý mınıstrliginiń jańa resmı ókili.

Ol jýrnalısterdi, PR jáne marketıng salasyndaǵy áriptesterin jan-jaqty qoldaý kórsetýge shaqyrdy.

«Bul densaýlyq saqtaý júıesiniń problemasy ǵana emes, bul - búkil qoǵamnyń problemasy. Elimizdiń bolashaǵy bizdiń dárigerlerge búgingi indetti jeńýge qalaı kómektesetinimizge baılanysty», - deıdi ol.

Baǵdat Qojahmetov buǵan deıin «31 arnany» basqarǵan, Almaty qalasy ákimi apparatynyń baspasóz hatshysy bolǵan, sondaı-aq QR ІІM Aqparat jáne qoǵammen baılanys ortalyǵyn basqarǵan.


Joǵary qaraı