Aýa raıy
Astana -6 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

34 myńǵa jýyq beınekamera páter kireberisterine ornatyldy - ІІM

2020 jyldyń 30 qarasha 2020 13:30

NUR-SULTAN. QazAqparat – QR Іshki ister mınıstrligi quqyq tártibin qamtamasyz etip, halyqty qylmystan qorǵaý úshin «Qazaqtelekomnyń» beınebaqylaý júıesin paıdalanady. Bul týraly QR Іshki ister mınıstrliginiń resmı ókili Nurdildá Oraz aıtyp berdi, dep habarlaıdy QazAqparat tilshisi.

«Senbi kúni Іshki ister mınıstri Erlan Turǵymbaev pen «Qazaqtelekom» AQ Basqarma Tóraǵasy Qýanyshbek Esekeev Aqmola oblysynyń Aqkól qalasynda qalalyq beınebaqylaý júıelerin damytý jáne aýqymdy derekterdi taldaýdy qoldaný salasyndaǵy ózara yntymaqtastyq týraly memorandýmǵa qol qoıdy. Aqkól qalasy – «Smart City» jobasy iske asyrylǵan Qazaqstandaǵy birinshi qala», - dedi resmı ókil mınıstrlik uıymdastyrǵan brıfıngte .

Eske sala ketsek, 2017 jyldan bastap elimizde «Qaýipsiz qala» tujyrymdamasy aıasynda qalalardy beınebaqylaý júıelerimen qamtamasyz etý jobasy iske asyrylýda. Respýblıka boıynsha 350 myń páterdi qamtıtyn kireberisterde 34 myńǵa jýyq beınekamera ornatylǵan.

«Memorandým aıasynda Qazaqtelekomnyń biryńǵaı beınebaqylaý júıeleri ІІM júıesine biriktiriletin bolady. Bul podezderdegi kameralardan polıtsııanyń jedel basqarý ortalyqtarynyń monıtorlaryna sýretterdi shyǵarýǵa jáne qoǵamdyq tártipti buzýǵa jedel nazar aýdarýǵa múmkindik beredi. Búginde ІІM óńirlerdiń jedel basqarý ortalyqtaryna qosylǵan 6 myńǵa jýyq beınebaqylaý kameralaryn paıdalanady. Olardyń kómegimen jyl basynan beri 5,5 myńnan astam qylmys ashylyp, 408 myńǵa jýyq ákimshilik quqyq buzýshylyqtyń joly kesildi», - deıdi N. Oraz.


Avtor Aıjan Serikjanqyzy
Basty sózder: QR ІІM, Qoǵam,
Joǵary qaraı