Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

341 kósheniń joly jóndeledi -Almaty

2021 jyldyń 27 qazan 2021 20:14

ALMATY. QazAqparat - Almatynyń toǵyz shaǵyn aýdanyndaǵy 341 kósheniń joldary jóndeledi. Bul týraly megapolıs ákimi Baqytjan Saǵyntaev «Almaty» telearnasyndaǵy tikeleı efır barysynda aıtty, dep habarlaıdy QazAqparat tilshisi.

«Almaty» telearnasyndaǵy Akimat LIVE baǵdarlamasynyń tikeleı efıri kezinde «Quramys» shaǵyn aýdannyń turǵyny ol turatyn kóshedegi joldyń qashan jasalatynyn surady. Ákim atalǵan shaǵyn aýdanda búgingi tańda 27 kósheniń 23-i asfalttalǵanyn málim etti. Uzyndyǵy 4,9 shaqyrym bolatyn barlyq kóshege asfalt tóseý jumystary qarasha aıynda aıaqtalady. Bıyl Almatyda 9 shaǵyn aýdandaǵy 341 kóshede 93 shaqyrym jol salynyp, kúrdeli jóndeýden ótedi. Qazirgi ýaqytta 6 shaǵyn aýdanda jol jóndeý jumystary aıaqtalǵan, olar – Shańyraq-5, Nurshashqan, Samǵaý, Álmerek, Qaırat, Ójet. Alǵabas shaǵyn aýdanynda jospar boıynsha 6 shaqyrym joldyń ornyna 6,8 shaqyrym jol asfalttaldy. Eki shaǵyn aýdanda – Quramys jáne Dýmanda jóndeý jumystaryn qarasha aıynda aıaqtaý josparda. Budan ózge, bıyl uzyndyǵy 201,1 shaqyrym bolatyn 206 kóshege ortasha jóndeý jumystary júrgizilýde. Ótken jyly uzyndyǵy 219,1 shaqyrym bolatyn 324 kóshe qamtyldy, qazirgi kezde uzyndyǵy 185,5 shaqyrym bolatyn 197 kóshede jumystar aıaqtaldy, qalǵan 9 kóshe boıynsha jumystar aıaqtalýǵa jaqyn.

Sonymen qatar, jalpy aýdany 214 myń sharshy metr joldarda shuńqyrlardy jóndeý júrgizildi, 1 247 lıýk tegisteldi. Jumystarǵa 4 merdigerlik uıym, 12 brıgada, 96 jumysshy, 28 arnaıy tehnıka jumyldyryldy. 31 shaqyrym trotýar, 65 aıaldama alańy jóndeldi.


Avtor Alma Muqanova
Basty sózder: Almaty, Ákim, Jol,
Joǵary qaraı