Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

4 myńnan astam erekshe qajettiligi bar bala Ońaltý ortalyqtarynda kómek aldy

2021 jyldyń 23 qazan 2021 12:25

NUR-SULTAN. QazAqparat – Elimizde 4 myńnan astam erekshe qajettiligi bar bala Ońaltý ortalyqtarynda kómek aldy. Bul jaıynda Senat depýtattarynyń saýalyna QR Premer-Mınıstri Asqar Mamınniń jaýabynda aıtylǵan, dep habarlaıdy QazAqparat tilshisi.

«Qamqorlyq» korporatıvtik qorynyń bastamalaryn júzege asyrý aıasynda 7 Ońaltý ortalyǵy men Erte aralasý ortalyǵy (Almaty, Atyraý, Batys Qazaqstan, Shyǵys Qazaqstan, Jambyl, Túrkistan, Qostanaı oblystarynda jáne Nur-Sultan qalasynda) bazasynda 3 myńnan astam balaǵa medıtsınalyq ońaltý júrgizildi. Atalǵan qordyń qoldaýymen 27 Ońaltý ortalyǵyn (Aqmola, Aqtóbe, Almaty, Jambyl, Shyǵys Qazaqstan, Mańǵystaý, Qyzylorda, Túrkistan oblystarynda) ashý josparlanǵan», - delingen Úkimet basshysynyń jaýabynda.

Premer-Mınıstrdiń atap ótýinshe, bul is-shara balalardyń barlyq sanatyn saýyqtyrý jáne ońaltýmen qamtýǵa múmkindik beredi.

«2020 jyly erekshe qajettiligi bar 4 143 bala Ońaltý ortalyqtarynda, 22 551 bala psıhologııalyq-pedagogıkalyq túzetý kabınetterinde, 16 112 bala logoped pýnktterinde psıhologııalyq-pedagogıkalyq qoldaý aldy. «Kedergisiz keleshek» jobasy aıasynda nysandardyń beıimdelý sapasyna memlekettik baqylaý júrgiziledi. 2021 jyly 4 790 nysanǵa monıtorıng júrgizildi. Bul josparlanǵan nysandardyń jalpy sanynyń 96,2 paıyzyn quraıdy», - dep atap ótedi Asqar Mamın.


Joǵary qaraı