Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

4 paıyzben avtonesıe baǵdarlamasy: Kólik alý kezegi kelgenin qaıdan bilýge bolady

2021 jyldyń 28 aqpan 2021 10:09

NUR-SULTAN. QazAqparat – 4 paıyzdyq avtonesıe baǵdarlamasynyń ıgiligin kólik alǵysy kelgenniń bári kórip jatyr deýge kelmeıdi. Sarapshylar muny memleket bıýdjetinen bólinetin qarajattyń azdyǵymen, al ótinim berýshilerdiń kóptigimen baılanystyrady. Dese de baǵdarlamaǵa ótinim bergennen keıin kólik alý kezegi kelgenin qaıdan qadaǵalaýǵa bolady? Bul jóninde Qazaqstannyń Damý bankiniń baspasóz qyzmetinen surap kórgen edik.

Jalpy Qazaqstannyń Damý banki 2015 jyldan bastap 2020 jylǵa deıin baǵdarlama boıynsha kelesi somadaǵy qarajatty bólgen:

2015 jyly - 15 mlrd teńge;

2016 jyly - 11 mlrd teńge;

2017 jyly - qarajat bólinbedi

2018 jyly - 8 mlrd teńge;

2019 jyly - 28 mlrd teńge

2020 jyly - 20 mlrd teńge.

Jeke tulǵalardyń kezekterin ekinshi deńgeıdegi bankter derbes júrgizedi.

«Kezekti júrgizýdiń ashyqtyǵyn qamtamasyz etý maqsatynda Qazaqstan Damý banki ekinshi deńgeıdegi bankterdiń saıttarynda elektrondyq kezekti júrgizýge bastamashylyq jasaǵanyn qosymsha habarlaımyz. Qazirgi ýaqytta «Sberbank» AQ EB, «Halyq Banki» AQ, «Bank VTB (Qazaqstan)» AQ EB, «ForteBank» AQ resmı saıttarynda árbir ótinish berýshi baǵdarlama sheńberinde qaryz alýǵa óz kezegin kóre alady.

QR Ulttyq banktiń 2019 jylǵy 31 mamyrdaǵy qaýlysymen bekitilgen otandyq óndiristiń jeńil avtokólikterin satyp alýshylarǵa kredıt berý baǵdarlamasynda 2019-2023 jyldar kezeńinde jyl saıyn 20 mlrd teńgege deıin qarajat bólý kózdelgen», - dep habarlaıdy banktiń baspasóz qyzmetinen.

Eske sala ketsek, buǵan deıin bank avtonesıeleý baǵdarlamasy aıasynda 2021 jyldyń 1 aqpanyna deıin 26 958 avtokólik satylǵanyn habarlaǵan bolatyn. Jeńildetilgen avtonesıeleý baǵdarlamasy boıynsha avtokólik satyp alýǵa qoıylatyn negizgi talaptardy myna siltemeden oqýǵa bolady.


Avtor Aıan Bekenuly
Basty sózder: Kólik, Qoǵam,
Joǵary qaraı