Aýa raıy
Astana -26 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

4 tamyzǵa arnalǵan aýa raıy boljamy

2020 jyldyń 4 tamyz 2020 02:25

NUR-SULTAN. QazAqparat – Qazgıdromet 4 tamyzǵa arnalǵan aýa raıy boljamyn usynady, dep habarlaıdy QazAqparat.

Qazaqstan aýmaǵynyń basym bóligi antıtsıklon jotalarynyń yqpalynda bolǵandyqtan, ashyq jaýyn-shashynsyz aýa raıy kútiledi.

Tek elimizdiń batysy jáne shyǵysynda joǵary jyralardyń áserinde jańbyr jaýady, batysta keı jerlerde qatty jańbyr jaýady, naızaǵaı, daýyl kútiledi, burshaq jaýýy yqtımal. Respýblıkanyń keı jerlerinde jeldiń kúsheııýi kútiledi.

Manǵystaý, Atyraý, Batys Qazaqstan oblystarynyń keı jerlerinde jel 15-20 m/s kútiledi, burshaq jaýýy yqtımal, Atyraý, Batys Qazaqstan oblystarynyń keı jerlerinde daýyl kútiledi. Aqtóbe oblysynyń keı jerlerinde jel 15-20 m/s kúsheıedi, kúndiz burshaq jaýýy yqtımal. Shyǵys Qazaqstan, kúndiz Pavlodar, Soltústik Qazaqstan, Qostanaı, Qyzylorda oblystarynyń keı jerlerinde jel 15-20 m/s. Qaraǵandy oblysynyń keı jerlerinde jel 15-23 m/s kúsheıedi.

Kúndiz Qostanaı, Soltústik Qazaqstan oblysynda, Qaraǵandy oblysynyń ońtústikte qatty ystyq kútiledi.

Atyraý oblysynda, Aqtóbe, Qyzylorda, Túrkistan oblystarynyń basym bóliginde, Batys Qazaqstan, Qaraǵandy, Almaty, Jambyl oblystarynyń keı jerlerinde tótenshe órt qaýipi saqtalady.


Basty sózder: Qazgıdromet, Aýa raıy,
Joǵary qaraı