Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

الەمنىڭ 43 ەلى قازاقستان شىعارعان ۆاكسينانى الۋعا دايىن

2022 jyldyń 27 qańtar 2022 15:27

نۇر- سۇلتان. قازاقپارات - الەمنىڭ 43 ەلى QazVac ۆاكسيناسىن الۋعا دايىن. بۇل تۋرالى ق ر پرەمەر- ءمينيسترىنىڭ ورىنباسارى ەرالى توعجانوۆ ايتتى، دەپ حابارلايدى قازاقپارات ءتىلشىسى.

«قازاقستاندىق عالىمداردىڭ كۇمانسىز تابىسى بيولوگيالىق قاۋىپسىزدىك ماسەلەلەردى جونىندەگى عىلىمي- زەرتتەۋ ينستيتۋتىنىڭ كوروناۆيرۋسقا قارسى QazVac ۆاكسيناسىن ازىرلەۋى بولدى. ءبىز بۇگىندە ودان ارى ىلگەرىلەپ كەلەمىز. قازىرگى ۋاقىتتا BSL-3، BSL-4 قۇرىلىسى جۇرگىزىلىپ جاتىر. بۇل رەتتە ءبىلىم جانە عىلىم مينيسترلىگىنىڭ ءرولى دە زور»، - دەدى ۇكىمەت باسشىسىنىڭ ورىنباسارى ءبىلىم جانە عىلىم مينيسترلىگىنىڭ كەڭەيتىلگەن القا وتىرىسىندا.

ۆيسە- پرەمەر مۇنان ارى دا بىرلەسكەن جۇمىستىڭ جالعاساتىنىن باسا ايتتى.

«ەلدىڭ اتىن شىعارعان ۇلكەن جوبا بولعانىن ءبارىڭىز جاقسى بىلەسىزدەر دەپ ويلايمىن. 6 مەملەكەتتىڭ ىشىنەن بەسىنشى بولىپ قازاقستان ءوزىنىڭ ۆاكسيناسىن شىعارعان ەلگە اينالدى. سوندىقتان بۇل ۇلكەن جەتىستىك. عالىمداردىڭ بارىنە راقمەتىمىزدى ايتامىز. ارى قاراي دا جۇمىس كوپ. بىرگە جالعاستىرۋىمىز كەرەك. ولاردىڭ الدىنا قويىلعان تاپسىرما دا بولەك. قازىر 43 مەملەكەت ءبىزدىڭ ۆاكسينامىزدى الۋعا دايىن ەكەندىگىن ءبىلدىرىپ وتىر»، - دەدى ەرالى توعجانوۆ.

اۆتور: مارلان جيەمباي

Joǵary qaraı