Aýa raıy
Astana 11 °S
Almaty 13 °S
valıýta baǵamy
USD 421.58
EUR 496.83
RUB 5.53
CNY 62.20

«5-10-20» baǵdarlamasy: Elordada 1 mln teńgelik sertıfıkat kimderge beriledi

2020 jyldyń 23 qyrkúıek 2020 21:55

NUR-SULTAN. QazAqparat – Nur-Sultan qalalyq ákimdiginiń «Turǵyn úı qory» KMM baspasóz hatshysy Armanaı Qabdeshova «5-10-20» baǵdarlamasy aıasynda 1 mln teńgelik sertıfıkat qaı sanattaǵy azamattarǵa beriletinin aıtyp berdi, dep habarlaıdy QazAqparat tilshisi.

«Qazirgi tańda «5-10-20» turǵyn úı baǵdarlamasynan úmitti bes sanat boıynsha 47 500 adam kezekte tur. Ol sanattar: áleýmettik jaǵynan osal toptar (onyń ishine tolyq emes otbasylar, birinshi jáne ekinshi toptaǵy múgedekter, múgedek balasy bar otbasylar, jasy boıynsha zeınetkerler kiredi), jetim balalar, kópbalaly otbasylar, memlekettik qyzmetshiler men arendalyq úıde turatyn azamattar. ıAǵnı, osy bes sanattyń barlyǵy «5-10-20» baǵdarlamasyna qatysa alady», - dedi Armanaı Qabdeshova Nur-Sultan ákimdiginiń Instagram-paraqshasynda suraqtarǵa jaýap bere otyryp.

Onyń aıtýynsha, áleýmettik turǵyda az qamtylǵan jáne kópbalaly otbasylarǵa, jetim balalarǵa osy baǵdarlama aıasynda bastapqy jarna retinde 1 mıllıon teńgelik sertıfıkat usynylady. ıAǵnı bul – ákimdik tarapynan beriletin qaıtarymsyz kómek.

«Bul sertıfıkatty alý úshin birinshi protsedýradan – bankten ótý kerek. Tólemaqy jaıly barlyq aqparatty tapsyrý qajet. Osydan keıin azamat Turǵyn úı qoryna kelip, sertıfıkatty alýǵa ótinish jazady. Tek osy sanattaǵy azamattar baǵdarlama aıasynda sertıfıkatqa ótinish bere alady», - dedi ol.

Eske sala ketsek, osydan birneshe kún buryn «5-10-20» turǵyn úı baǵdarlamasy boıynsha nesıe berile bastaǵany habarlanǵan bolatyn. «Nurly jer» memlekettik baǵdarlamasynyń jańa baǵyttarynyń biri - «Shańyraq» pılottyq jobasyn Turǵyn úı qurylys jınaq banki («Báıterek» holdınginiń enshiles uıymy) júzege asyrady. «Shańyraq» jobasynyń aıasynda jeńildetilgen nesıeni birinshi kezeńde, baspanaǵa muqtaj jan retinde 1986 jyldan bastap 2015 jylǵa deıingi merzimdi qosa alǵanda ákimdik kezeginde turǵan azamattar ala alady.


Joǵary qaraı