Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

5 óńirde oqýshylar noýtbýgine bólingen qarajatty jymqyrý faktileri tergelip jatyr

2021 jyldyń 2 sáýir 2021 16:12

NUR-CULTAN. QazAqparat – Qashyqtan oqytý kezinde balalardy kompıýtermen qamtamasyz etý úshin bólingen qarajatty jymqyrý faktilerine qatysty qylmystyq ister tergelip jatyr. Bul týraly Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Bekaıdarov Antikor ortalyǵynda ótken brıfıngide aıtty.

«Jyl basynan beri Sybaılas jemqorlyqqa qarsy qyzmet 650-ge jýyq sotqa deıingi tergeýdi tirkedi. 60 laýazym ıesi ustalyp, 57 adamǵa qatysty qamaýda ustaý bultartpaý sharasy qabyldandy», - dedi D. Bekaıdarov onlaın brıfıngide.

Sonymen qatar ol QR Úkimeti rezervi esebinen aǵymdaǵy is-sharalardy júrgizý baǵdarlamasy boıynsha kompıýter, planshet pen noýtbýk satyp alýǵa 2020 jyly bólingen bıýdjet qarjysyn jymqyrý faktileri boıynsha qylmystyq ister tergelip jatqanyn aıtty. Osy oraıda bilim berý basqarmasynyń laýazym ıelerine qatysty elimizdiń bes óńirinde 6 qylmystyq is tergelip jatyr.

«Qarajat qashyqtan oqytý kezinde tabysy az otbasylardyń balalaryn kompıýtermen qamtamasyz etý úshin bólingen bolatyn. Atalǵan sotqa deıingi tergeý memlekettik ishki aýdıt aktileri negizinde tirkeldi. Sotqa deıingi tergeý amaldary jalǵasyp jatyr», - dedi Danııar Bekaıdarov.

Budan buryn habarlanǵandaı, Soltústik Qazaqstan oblysynda bilim berý bóliminiń qyzmetshileri tabysy tómen otbasylardyń balalaryna arnalǵan noýtbýkterdi jymqyrdy degen kúdikke ilikti.



Joǵary qaraı