Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

50 adamǵa deıin turǵyny bar aýyldar medıtsınalyq qyzmetkermen qamtamasyz etiledi - QR DSM

2022 jyldyń 18 mamyr 2022 11:36

NUR-SULTAN. QazAqparat – Bıyl 50 adamǵa deıin turǵyny bar aýyldar medıtsınalyq qyzmetkermen qamtamasyz etiledi. Bul týraly QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Densaýlyq saqtaý júıesindegi negizgi býyn - medıtsınalyq-sanıtarııalyq alǵashqy kómek. Bul halyqqa kórsetiletin barlyq medıtsınalyq kómekti úılestirýge arnalǵan qyzmet kórsetetin medıtsınalyq uıymdar. Dúnıejúzilik densaýlyq saqtaý uıymynyń keńesi boıynsha barlyq halyq alatyn medıtsınalyq qyzmettiń 80 paıyzy osy MSAK kórsetetin uıymdardan alynýy qajet. Koronavırýs ınfektsııasynyń pandemııasy osy medıtsınalyq-sanıtarııalyq alǵashqy kómek uıymyndaǵy álsiz jáne problemalyq jerlerdi aıqyndap berdi. Memleket basshysynyń tapsyrmasy boıynsha medıtsınalyq alǵashqy kómekti uıymdastyrý tásilderin túbegeıli qaıta qaraý úshin medıtsınalyq-sanıtarııalyq alǵashqy kómektiń sapasyn jáne halyqtyń qalyń tobynyń, onyń ishinde aýyldyq jerlerde turatyn adamdarǵa qoljetimdiligin jaqsartý jónindegi is-sharalar jospary bekitildi. Júıeli jumystar bastalyp ketti», - dedi mınıstr Ortalyq kommýnıkatsııalar qyzmetinde ótip jatqan baspasóz máslıhatynda.

Elimizdiń bas dárigeriniń atap ótýinshe, densaýlyq saqtaý uıymdary jelisiniń memlekettik normatıvin jetildirý boıynsha is-sharalar júrgiziledi. Onyń ishinde, 50 adamǵa deıin turǵyny bar aýyldy medıtsınalyq qyzmetkermen qamtamasyz etý josparlanyp otyr. Ol bıyldan bastap júzege asyrylady.

«Sonymen qatar, aýyldyq eldi mekenderde: 50 adamnan 500 adamǵa deıin medıtsınalyq pýnktter; 500 adamnan 1500 adamǵa deıin feldsherli-akýsherlik pýnktter; 1500 adamnan bastap dárigerlik ambýlatorııany qurý qarastyrylǵan», - dedi Ajar Ǵınııat.


Joǵary qaraı