55 jastaǵy Taraz turǵyny tabıǵı gazdan ýlanyp kóz jumdy

TARAZ. QazAqparat – Tarazda peshti paıdalaný erejesin buzǵan er adam ıis tıip kóz jumdy, dep habarlaıdy QazAqparat tilshisi oblystyq tótenshe jaǵdaılar departamentine silteme jasap.

1965 jyly týǵan azamattyń máıitin týystary Taraz qalasyndaǵy jeke úıdiń qonaq bólmesindegi dıvan ústinen tapqan.

Jambyl oblysy TJ departamentiniń kezekshi qyzmetine habarlama túse salysymen oqıǵa ornyna TJD 2 qyzmetkeri, sondaı-aq polıtsııa departamenti men «QazTransGaz Aımaq» AQ ókilderi attanǵan.

«Er adamnyń óliminiń aldyn ala sebebi - peshti paıdalaný erejelerin buzý saldarynan tabıǵı gazdan ýlaný (jeldetý kamerasy men tartqysh joq). Qajetti sarapatamalar taǵaıyndaldy» delingen vedomstvo habarlamasynda.

Aıta keteıik, jyl basynan beri oblys aýmaǵynda 25 adam gazdan ýlanyp, 7 adam qaza boldy.