Aýa raıy
Astana -26 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

6 qazannan beri shetelden ushyp kelgen 39 jolaýshydan koronavırýs anyqtalǵan

2020 jyldyń 27 qazan 2020 16:45

NUR-SULTAN. QazAqparat – Kóliktegi bas memlekettik sanıtar dáriger Sádýaqas Baıǵabylov Qazaqstannyń halyqaralyq áýe reısteri boıynsha júrgizilgen tekserýge qatysty sońǵy statıstıkalyq málimetterdi bólisti, dep habarlaıdy QazAqparat tilshisi.

«6 qazannan bastap ruqsat berý sharalary kúshine engeli beri Qazaqstanǵa halyqaralyq áýe reısterimen 44 834 jolaýshy ushyp keldi. Onyń basym bóligi, ıaǵnı 84 paıyzy - sheteldikter. PTR-test anyqtamasyz 7 540 jolaýshy keldi. Onyń bári de PTR-test tapsyrý úshin 2 kúnge karantın statsıonaryna jatqyzyldy. Osy 7540 adamnyń ishinde 39-ynan koronavırýs anyqtaldy», - dedi Sádýaqas Baıǵabylov OKQ-da ótken baspasóz máslıhatynda.

Onyń aıtýynsha eki kúndik karantınge jolaýshylar Nur-Sultan, Almaty, Shymkent, Oral, Aqtóbe, Atyraý, Aqtaý, Qaraǵandy qalalarynda jatqyzylyp jatyr.

Eske sala ketsek, búgin QR Úkimetiniń baspasóz qyzmeti vedomstvoaralyq komıssııanyń áýe kompanııalaryna PTR testi nátıjesi týraly anyqtamasy joq jolaýshylardy ushaqqa otyrǵyzýǵa tyıym salý týraly sheshimin túsindirgen bolatyn.

Bul talap tek sheteldik azamattarǵa qatysty. Shetelde júrgen QR azamattarynyń áýe reısterimen PTR-testileýden ótkeni týraly anyqtamasynsyz otanyna oralýǵa quqyǵy bar.

Mundaı jaǵdaıda Qazaqstanǵa kelgennen keıin qazaqstandyqtar PTR-testileý nátıjesin alǵanǵa deıin karantınge ornalastyrylatyn bolady.

QR óńirleri arasyndaǵy ishki áýe reısteriniń ushaǵyna otyrǵyzý kezinde PTR-test nátıjesi týraly anyqtama talap etilmeıdi.


Joǵary qaraı