Aýa raıy
Astana 10 °S
Almaty 10 °S
valıýta baǵamy
USD 412.55
EUR 468.66
RUB 5.79
CNY 58.80

6 tamyz: Týǵan kún ıeleri

2020 jyldyń 6 tamyz 2020 08:10

NUR-SULTAN. QazAqparat – QazAqparat 6 tamyzǵa arnalǵan «Týǵan kún ıeleri» kúntizbesin usynady.

ESІMDER




72 jyl buryn (1948-2017) kınotanýshy, kıno tarıhshysy, professor, Qazaqstannyń eńbek sińirgen qaıratkeri Baýyrjan Ramazanuly NÓGERBEK dúnıege keldi.

Ulytaý óńirinde týǵan, Máskeýde, VGIK-tiń stsenarlyq-kınotanýshylyq fakýltetiniń kınotaný bólimin támámdaǵan (1971).

Mýltıplıkatsııa birlestiginiń bas redaktory, «Qazaqfılm» kınostýdııasynda stsenarlyq redaktsııa alqasynyń múshesi (1971-1981), Qazaqstan kınematografıster odaǵynyń hatshysy (1981-1985), M.O.Áýezov atyndaǵy Ádebıet jáne óner ınstıtýty, teatr jáne kıno bóliminiń aǵa ǵylymı qyzmetkeri (1985-1999), T. Júrgenov atyndaǵy «Teatr jáne kıno» ınstıtýtynyń prorektory (1993-1994), Mádenıet, aqparat jáne qoǵamdyq kelisim mınıstrligi, Mádenıet komıteti, teatr óneri jáne kınematografııa bóliminiń bastyǵy (1999-2001) qyzmetin atqarǵan. 1993-2017 jyldary T. Júrgenov atyndaǵy Óner akademııasynda kınotanýshylar sheberhanasyna jetekshilik etti. Otandyq kıno tarıhynda kınotanýshylardyń alǵashqy túlekterin oqytyp shyǵarǵan (1993-1997; 1998-2002; 2002-2006). Qazaqstan Respýblıkasy Bilim salasynyń úzdik qyzmetkeri atandy (1998). T. Júrgenov atyndaǵy Qazaq Ulttyq óner akademııasynyń akademııalyq professory (2000). Ónertaný professory (2005).

Tómendegi kitaptardyń avtory: «Qazaq kınosynyń jylnamasy», «Ertegige jan bitse: Qazaqstannyń mýltıplıkatsııalyq kınosy» (Almaty, «Óner», 1984, monografııa KSRO kınematografısteri odaǵynyń syılyǵymen marapattalǵan), «Qazaqstan kınosy», «Qazaq kınosynyń tarıhy», «Ekranda «Qazaqfılm», «Qazaq kınosyndaǵy ekrandyq-folklorlyq dástúr», sondaı-aq, 250-den astam maqala, retsenzııa men esseniń avtory.




45 jyl buryn (1975) Qazaqstan Respýblıkasynyń Túrkııa Respýblıkasyndaǵy Tótenshe jáne Ókiletti Elshisi Abzal SAPARBEKULY dúnıege kelgen.

Jambyl oblysynda týǵan. Taıaý Shyǵys tehnıkalyq ýnıversıtetin (Middle East Technical University) halyqaralyq qatynastar mamandyǵymen bitirgen (1999).

Eńbek joly: Qazaqstan Respýblıkasynyń Syrtqy ister mınıstrliginiń referenti, attashesi (2000-2003); Qazaqstan Respýblıkasynyń Túrkııa Respýblıkasyndaǵy Elshiliginde attashe, úshinshi hatshy, ekinshi hatshy (2003-2008); «Qazaqstan temir joly» ulttyq kompanııasynyń Xalyqaralyq yntymaqtastyq departamentiniń dırektory (2008); Jeneva qalasyndaǵy BUU-nyń Eýropa bólimshesi janyndaǵy Qazaqstan Respýblıkasynyń Turaqty Ókildiginiń keńesshisi (2008-2011); Túrki Keńesi Hatshylyǵynyń dırektory (2011-2014); Túrki tildes memleketterdiń yntymaqtastyq keńesi/Túrki Keńesi Bas hatshysynyń orynbasary (2014-2017).

Qazirgi qyzmetinde – 2017 jyldyń sáýirinen beri.




38 jyl buryn (1982) Densaýlyq saqtaýdy damytý respýblıkalyq ortalyǵynyń bas dırektory Qanat Dúısenbaıuly TÓSEKBAEV dúnıege kelgen.

Almaty oblysynda týǵan. Qazaq memlekettik medıtsınalyq ýnıversıtetin (2005); «Bolashaq» baǵdarlamasy boıynsha Gannover joǵary medıtsınalyq mektebin «Densaýlyq saqtaý salasyndaǵy menedjment» mamandyǵymen (2008) bitirgen; AQSh-ta «Bolashaq» baǵdarlamasy sheńberinde taǵylymdama baǵdarlamasy boıynsha «Qoǵamdyq densaýlyq saqtaý» mamandyǵymen bilim alǵan.

Eńbek joly: Vivantes klınıkasyndaǵy halyqaralyq yntymaqtastyq máseleleri jónindegi jobalaý menedjeri, Berlın (2007); «Ulttyq medıtsınalyq holdıng» AQ basqarma tóraǵasynyń keńesshisi, Astana qalasy (2008-2009); QR Densaýlyq saqtaý vıtse-mınıstriniń keńesshisi, «Astana medıtsınalyq ýnıversıteti» AQ bóliminiń jetekshi mamany, Astana qalasy (2009-2010); «Qalalyq medıtsınalyq jedel járdem stantsııasy» MKQK bas dárigeri, Astana qalasy (2010-2013); QR Prezıdenti Іs basqarmasynyń «Oqjetpes» emdeý-saýyqtyrý kesheni AQ prezıdenti (2013); QR Prezıdenti Іs basqarmasynyń «Almaty Resort» klınıkalyq shıpajaıy» AQ prezıdenti (2014); «Qalalyq balalar juqpaly aýrýlar aýrýhanasy» MKQK bas dárigeri, Almaty qalasy (2015-2017); Batys Qazaqstan oblysy Densaýlyq saqtaý basqarmasynyń basshysy (2017-2018 jylǵy qazan); Almaty qalasynyń densaýlyq saqtaý basqarmasynyń basshysy (2019 jyldan Almaty qalasy qoǵamdyq densaýlyq basqarmasy (10.2018-09.2019).

Qazirgi laýazymyn 2020 jylǵy qańtardan beri atqaryp keledi.


Basty sózder: Kúntizbe,
Joǵary qaraı