Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

622 soltústikqazaqstandyq memqyzmetshi tártiptik jazaǵa tartyldy

2021 jyldyń 23 qańtar 2021 07:37

PETROPAVL. QazAqparat – Soltústik Qazaqstan oblysynda byltyr memlekettik qyzmetshilerge 622 tártiptik jaza qoldanyldy, dep habarlaıdy QazAqparat tilshisi.

QR Memlekettik qyzmet isteri agenttigi SQO boıynsha departamentiniń basshysy Elena Stepanenko brıfıngte memlekettik qyzmetshilerge tártiptik jaza ne úshin qoldanylǵanyn aıtty.

Kórsetiletin memlekettik qyzmetti baqylaý maqsatynda 2020 jyly 19 tekseris júrgizilgen. Nátıjesinde 183 olqylyqtyń beti ashyldy. Olar konkýrstardy ótkizý rásimderin jáne ótinishterdi qaraý tártibin saqtamaýǵa qatysty. Tekserister profılaktıkalyq baqylaý maqsatynda jáne ótinishter negizinde jospardan tys júrgizilgen. Jumystardyń barysynda 13 adamnyń, sonyń ishinde 7 memlekettik qyzmetshiniń quqyqtary qalpyna keltirildi.

«Memlekettik qyzmetshilerdiń eńbek quqyqtarynyń qorǵalýy departamenttiń ǵana emes, Keńestiń barlyq músheleriniń jáne Ádep jónindegi ýákilderdiń nazarynda. Olardyń jumys ýaqytynan tys eńbek etýine jol bermeý maqsatynda oblys ákimi apparatymen birge memlekettik organdarda qoljetimdilikti baqylaý jáne esepke alý júıesin engizý máselesi sheshilip jatyr. Byltyr jumys ýaqytynan tys eńbek etý faktileri anyqtalǵan joq», - deıdi Elena Stepanenko.

Byltyr turǵyndardan memlekettik qyzmettiń sapasyna qatysty 123 shaǵym túsken, onyń 54-i quzyret sheginde qaraldy. Azamattardan túsken shaǵymdardyń basym bóligi memlekettik qyzmetshilerdiń laýazymdyq mindetterin tıisinshe oryndamaýyna jáne jeke, zańdy tulǵalardyń ótinishterin qaraý tártibin buzýǵa baılanysty.

«Bir jylda Ádep jónindegi keńestiń 14 otyrysy ótkizilip, 55 másele qaraldy. Onyń 39-y profılaktıkalyq turǵyda ótti. 2019 jylmen salystyrǵanda memlekettik qyzmetshilerge qatysty tártiptik isterdiń sany 30% azaıdy. Byltyr oblystyń memlekettik qyzmetshilerine 622 tártiptik jaza qoldanyldy, bul 2019 jylmen salystyrǵanda 17,8%-ke az», - deıdi departament basshysy.

Ádep kodeksin buzǵan 17 memlekettik qyzmetshi jazaǵa tartyldy. Teris qylyq jasaǵany úshin - 12, qyzmettik tártipti buzǵany úshin - 10, ózge zańnama normalaryn buzýǵa baılanysty memlekettik organdardyń 583 qyzmetkeri jaýap berdi.


Joǵary qaraı