Aýa raıy
Astana 17 °S
Almaty 22 °S
valıýta baǵamy
USD 385.16
EUR 425.95
RUB 6.01
CNY 54.51

63 myńnan astam oqýshy jańa baǵdarlama boıynsha oqıdy

2019 jyldyń 19 tamyz 2019 11:48

ALMATY. QazAqparat – Jańa oqý jylynda Almatyda 4,9,10 synyptardyń 63 myńnan astam oqýshysy jańa baǵdarlama boıynsha oqıdy. Bul týraly Almaty qalalyq bilim basqarmasynyń bastyǵy Gúlnár Qojabergenova aıtty, dep habarlaıdy QazAqparat tilshisi.

«Qalada jalpy bilim beretin 204 memlekettik, 55 jeke menshik mektep bar. Onda 257 myńnan astam oqýshy oqıdy. Orta bilim salasynda negizgi ádister anyqtalǵan. Qazirgi ýaqytta Nazarbaev Zııatkerlik mektebiniń tájirıbesi taratylýda. Jańa ıntegratsııalanǵan bilim berý baǵdarlamasy balalardyń qabiletterin damytýǵa, oqýshylardyń bilimi men daǵdylaryn naqty tájirıbede jáne fýnktsıonaldyq saýattylyqta qoldanýǵa baǵyttalǵan. 2016 jyldan bastap NZM tájirıbesine sáıkes 1,2,3,5,6,7,8 synyptar jańartylǵan bilim berý mazmunyna kóshken bolatyn. Jańa oqý jylynda 4,9,10 synyptardyń 63 myńnan astam oqýshysy jańa baǵdarlama boıynsha oqıtyn bolady. Osy baǵytta 15 myńnan astam muǵalim biliktilikti arttyrý kýrstarynan ótti », - deıdi G.Qojabergenova Almatydaǵy bilim berý qyzmetkerleriniń forýmy barysynda.

Onyń aıtýynsha, hımııa, bıologııa, fızıka jáne ınformatıka pánderinde aǵylshyn tilin qoldaný boıynsha jumys jalǵasady.

«Qazirgi ýaqytta atalǵan pánderdiń oqytýshylary aǵylshyn tilin úırenýde, kýrs osy jyly aıaqtalady », - dedi departament basshysy.

Aıta ketý kerek, búgin Almatyda bilim berý qyzmetkerleriniń forýmy ótip jatyr, onyń barysynda 2018-2019 oqý jylynyń qorytyndysy shyǵarylyp, jańa 2019-2020 oqý jylyna arnalǵan strategııalyq mindetter aıqyndalady.

Avtor Alma Muqanova
Basty sózder: Almaty, Bilim,
Joǵary qaraı