Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

پروكۋرورلار ءوتىنىشى بويىنشا ەرەۋىلگە قاتىسقان 676 ادام قاماقتان بوساتىلدى

2022 jyldyń 18 qańtar 2022 13:02

نۇر- سۇلتان. قازاقپارات - ەلدەگى تارتىپسىزدىكتەر بويىنشا 8354 اكىمشىلىك ءىس سوتقا جەتكەن. بۇل تۋرالى ق ر باس پروكۋرورىنىڭ اعا كومەكشىسى ازامات سارعازين ورتالىق كوممۋنيكاتسيالار قىزمەتىندە وتكەن بريفينگىدە ءمالىم ەتتى، دەپ حابارلايدى قازاقپارات ءتىلشىسى.

«اكىمشىلىك قۇقىق بۇزۋ فاكتىلەرىنە جەكە توقتالىپ وتەيىن. سوتتار وسى وقيعالارعا بايلانىستى بارلىعى 8354 اكىمشىلىك ءىستى قارادى. سوتتار مەن پروكۋرورلار جەڭىلدەتەتىن ءمان- جاي مەن كىنالى ادامداردىڭ وكىنگەنىن ەسكەرىپ وتىر. 3337 قۇقىق بۇزۋشىعا قاماققا الۋ نەمەسە ايىپپۇل تۇرىندە جازا قولدانىلماي، ەسكەرتۋ عانا جاسالدى. 1653 ءىس بويىنشا سوت ايىپپۇل سالدى. وسى ساتتە 1002 ادام قاماقتا»، - دەدى ول.

ايتۋىنشا، قاماقتاعى ادامداردىڭ اكىمشىلىك جازاسىن جەڭىلدەتۋ ماقساتىندا پروكۋرورلار اپەللياتسيالىق سوتقا 1758 ءوتىنىش حات ەنگىزگەن.

«قازىرگى تاڭدا پروكۋرورلاردىڭ ءوتىنىش حاتتارى بويىنشا 676 ادام قاماقتان بوساتىلدى. 344 ادامنىڭ ايىپپۇلى ەسكەرتۋگە اۋىستىرىلدى. پروكۋرورلاردىڭ جازانى جەڭىلدەتۋگە جانە ايىپپۇلدى ەسكەرتۋگە اۋىستىرۋعا باعىتتالعان 738 ءوتىنىش- حاتى قارالىپ جاتىر. بۇدان بولەك، تاعى 358 اكىمشىلىك ءىس ماتەريالدارى سوتقا جىبەرىلمەي توقتاتىلدى»، - دەدى باس پروكۋروردىڭ اعا كومەكشىسى.

اۆتور: ەسىمجان ناقتىباي

Basty sózder: قوعام,
Joǵary qaraı