Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

7-20-25: Maquldanǵan ıpotekanyń quny 500 mlrd teńgege jýyqtady

2021 jyldyń 14 qyrkúıek 2021 11:24

NUR-SULTAN. QazAqparat – «7-20-25» baǵdarlamasy boıynsha 499,4 mlrd teńgeniń ótinimi maquldandy, dep habarlaıdy QazAqparat tilshisi.

Úkimet otyrysynda Prezıdent Qasym-Jomart Toqaevtyń daǵdarysqa qarsy bastamalary qalaı iske asyp jatqanyn baıandaǵan QR Ulttyq bankiniń tóraǵasy Erbolat Dosaev osyndaı statıstıka keltirdi.

«Ekonomıkany qoldaý úshin Memleket basshysynyń daǵdarysqa qarsy bastamalaryn iske asyrý jalǵasyp jatyr. «Qarapaıym zattar ekonomıkasy» baǵdarlamasy sheńberinde 10 qyrkúıektegi jaǵdaı boıynsha ekinshi deńgeıdegi bankter men Agronesıe korporatsııasyna 1,5 trln teńgeniń 3 986 ótinimi kelip tústi. 1 trln teńgeden astam somaǵa 3 356 joba maquldanyp, 879,2 mlrd teńgeniń 3 260 qaryzy berildi», - dedi Erbolat Dosaev.

Sondaı-aq, ol «Kásipkerlik sýbektilerine jeńildikpen kredıt berý baǵdarlamasynyń» kórsetkishterine toqtaldy.

«Bul baǵdarlama boıynsha barynsha zardap shekken sektorlardaǵy kásiporyndardy qoldaý sheńberinde 10 qyrkúıekte ekinshi deńgeıdegi bankterge 1 trln teńgeden astam somaǵa 10 884 qaryz berildi. Onyń ishinde qaıtarylatyn qarajat esebinen 438,8 mlrd teńgeniń 5 897 qaryzy berildi. «7-20-25» baǵdarlamasy sheńberinde 9 qyrkúıektegi jaǵdaı boıynsha bankter 499,4 mlrd teńgeniń 40 583 ótinimin maquldap, 369,9 mlrd teńge somaǵa 30 706 qaryz berdi», - dep túıindedi Ulttyq bank tóraǵasy.


Joǵary qaraı