Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

7 mamyr. Týǵan kún ıeleri

2021 jyldyń 7 mamyr 2021 08:10

NUR-SULTAN. QazAqparat - Búgin, ıaǵnı 7 mamyrda tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER




65 jylburyn (1956) D. A. Qonaev atyndaǵy Ýnıversıtettiń qurmetti professory, «Ekologııa» Ulttyq akademııasynyń akademıgi tehnıka ǵylymynyń kandıdaty Eldar Asqaruly QONAEV dúnıege keldi.

Almaty qalasynda týǵan. Qazaq memlekettik ýnıversıtetin bitirgen. 1978-1979 jyldary - Qazaqstan ǴA ıAdrolyq fızıka ınstıtýtynyń ınjeneri. 1979-1983 jyldary - Qazaqstan ǴA Metallýrgııa jáne ken baıytý ınstıtýtynyń ınjeneri, kishi ǵylymı qyzmetkeri. 1983-1987 jyldary - Almaty qalalyq partııa komıtetiniń nusqaýshysy, bólim meńgerýshisiniń orynbasary. 1987-1988 jyldary - Qazaqstan kásipodaqtary respýblıkalyq keńesiniń nusqaýshysy. 1988-1989 jyldary - Qazaq polıtehnıkalyq ınstıtýtynyń ǵylymı qyzmetkeri. 1989-1992 jyldary - Qazaqstan ǴA Metallýrgııa jáne baıytý ınstıtýtynyń ǵylymı qyzmetkeri, aǵa ǵylymı qyzmetkeri, «Zaman» shaǵyn óndirisiniń dırektory. 1992 jyldan D.A.Qonaev atyndaǵy halyqaralyq qordyń vıtse-prezıdenti, prezıdenti. 1998-2001 jyldary - Almaty oblystyq Joǵary ekonomıkalyq keńesiniń bólim bastyǵy. 2001-2004 jyldary - QR Tótenshe jaǵdaılar agenttigi Tótenshe jaǵdaılardy eskertý departamentiniń dırektory, QR Tótenshe jaǵdaılar agenttigi tóraǵasynyń orynbasary. 2004 jyldan QR Tótenshe jaǵdaılar mınıstrliginiń Tótenshe jaǵdaılar aımaǵyn memlekettik baqylaý jáne qadaǵalaý komıteti tóraǵasynyń orynbasary bolǵan. 2010-2018 jyldary Qazaqstan Respýblıkasynyń Omby qalasyndaǵy konsýly qyzmetin atqardy. 2018-2020 jyldary – Qazaqstan Respýblıkasynyń Brest qalasyndaǵy konsýly.

Marapattary: «Qazaqstan Respýblıkasynyń táýelsizdigine 10 jyl» (2001), «Qazaq temirjolynyń júz jyldyǵy» (2004); Qazaqstan Respýblıkasy Prezıdentiniń Alǵysyn (2006) alǵan.




60 jyl buryn (1961) Qazaqstan Respýblıkasy Іshki ister mınıstriniń orynbasary Qaırat Imıatuly SÓNTAEV dúnıege keldi.

Pavlodar oblysynda týǵan. 1981-1983 jyldary KSRO Qarýly kúshterinde áskerı boryshyn ótegen. 1992 jyly S. Kırov atyndaǵy Qazaq Memlekettik ýnıversıtetin bitirgen. 1992-1993 jyldary - Pavlodar oblysy Krasnokýtsk aýdany prokýratýrasynyń tergeýshisi, 1994-1997 jyldary - Bas prokýratýranyń ІІM organdaryndaǵy tergeý jáne anyqtaýdy qadaǵalaý boıynsha aǵa kómekshisi, 1997-1998 jyldary - Aqmola oblysy Ereımentaý aýdanynyń prokýrory, 1998 - 2000 jyldary - Astana qalasy Almaty aýdanynyń prokýrory, 2000-2002 jyldary - Astana qalasy prokýrorynyń orynbasary, 2002 jyly - Ońtústik Qazaqstan oblysy prokýrorynyń orynbasary, 2002-2004 jyldary - KEGOK zań basqarmasy bastyǵynyń orynbasary, 2004-2006 jyldary - Astana qalalyq qarjy polıtsııasy departamenti bastyǵynyń orynbasary, 2006-2008 jyldary- QR Іshki ister mınıstrligi tergeý departamentiniń bastyǵy, QR ІІM Tergeý komıtetiniń tóraǵasy. 2008-2009 jyldary Atyraý oblystyq ІІD bastyǵy. 2009-2010 jyldary Ekonomıkalyq qylmysqa jáne sybaılas jemqorlyqqa qarsy is-qımyl jónindegi Qaraǵandy oblystyq departamenti bastyǵynyń orynbasary, 2011-2014 jyldary QR Prezıdenti Ákimshiligi quqyq qorǵaý júıesi bóliminiń ınspektory. 2014-2016 jyldary - Memlekettik qyzmet isteri jáne sybaılas jemqorlyqqa qarsy is-qımyl agenttigi Aqtóbe oblystyq departamentiniń basshysy. 2016-2018 jyldary - Sybaılas jemqorlyqqa qarsy is-qımyl ulttyq bıýrosynyń Aqtóbe oblystyq departamentiniń basshysy.

2020 jylǵy naýryz aıynan bastap qazirgi qyzmetinde.

2008 jyly «Astananyń 10 jyldyǵy» medalimen, 2015 jyly «Quqyq tártibin qamtamasyz etýge qosqan úlesi úshin» merekelik medalimen, 2015 jyly «Qazaqstan Konstıtýtsııasyna 20 jyl» medalimen, 2015 jyly Qazaqstan Respýblıkasynyń Qurmet gramotasymen, 2016 jyly «Qazaqstan Respýblıkasynyń Táýelsizdigine 25 jyl» merekelik medalimen jáne birneshe vedomstvolyq nagradalarmen nagradtaldy.




59 jyl buryn (1962) Qazaqstan kásipodaqtarynyń federatsııasynyń tóraǵasy Satybaldy Telaǵysuly DÁÝLETALIN dúnıege keldi.

Orynbor oblysynda týǵan (RKFSR). Qazaq polıtehnıkalyq ınstıtýtyn (ınjener-mehanık); L.N. Gýmılev atyndaǵy EUÝ janyndaǵy dıplomatııalyq akademııasyn (halyqaralyq qatynastar) támamdaǵan. Dj. Marshall atyndaǵy Eýropalyq qaýipsizdikti zertteý ortalyǵynda (2004) oqyǵan.

Eńbek joly: Aqtóbe qalasy Aqtóbe ferroqorytpa zaýytynyń tokar shákirti (1978); Shymkent qalasy usta-baspaq qondyrǵysyn óndiretin óndiristik birlestiktiń bas konstrýktory bóliminiń ınjener-konstrýktory, óndiristik oqytý sheberi (1984-1986); ártúrli jyldary Parlamentte, Memlekettik qyzmet isteri jónindegi Agenttikte jumys isteı júrip, memlekettiń zańnamalyq bazasynyń qalyptasýyna, sondaı-aq QR memlekettik qyzmettiń qurylýy jáne reformalanýyna tikeleı qatysty. Qazaqstan Respýblıkasy Kásipodaqtar federatsııasynyń Uıymdastyrý, kadr jumysy jáne aktıvteri departamentiniń dırektory orynbasary (2015); Kásipodaqtar federatsııasy júıesiniń uıymdarynyń jumysshylarynyń «Yńtymaq» jergilikti kásipodaǵynyń tóraǵasy (2015-2016); Qazaqstan Respýblıkasy Kásipodaqtar federatsııasynyń Áleýmettik-ekonomıkalyq qorǵaý jáne eńbek ınspektsııasy departamentiniń dırektory (2016-2019); QR Kásipodaqtar federatsııasy Tóraǵasynyń birinshi orynbasary (2019-2020).

2020 jyldyń mamyrynan bastap QR Kásipodaqtar federatsııasy Tóraǵasy qyzmetinde.

Memlekettik jáne halyqaralyq marapattary: Qazaqstan Respýblıkasynyń Qurmet gramotasy, «Eren eńbegi úshin» medali, «Qurmet» ordeni.




58 jyl buryn (1963) VII shaqyrylǵan Qazaqstan Respýblıkasy Parlamenti Májilisiniń depýtaty, Ekonomıkalyq reforma jáne óńirlik damý komıtetiniń múshesi Darıǵa Nursultanqyzy NAZARBAEVA dúnıege keldi.

Qaraǵandy oblysynyń Temirtaý qalasynda týǵan. 1983 jyly M.V. Lomonosov atyndaǵy Máskeý memlekettik ýnıversıtetiniń tarıh fakýltetin, 1985 jyly S.M. Kırov atyndaǵy Qazaq memlekettik ýnıversıtetiniń tarıh fakýltetin bitirgen. 1985-1987 jyldary - M.V. Lomonosov atyndaǵy Máskeý memlekettik ýnıversıteti tarıh fakýltetiniń taǵylymdamadan ótýshi-zertteýshisi. 1987-1990 jyldary - M.V. Lomonosov atyndaǵy Máskeý memlekettik ýnıversıtetiniń aspıranty. Saıası ǵylymdar doktory, tarıh ǵylymdarynyń kandıdaty. 1992-1994 jyldary - «Bóbek» balalar qaıyrymdylyq qorynyń vıtse-prezıdenti. 1994-1995 jyldary - «Qazaqstan teledıdary men radıosy» respýblıkalyq korporatsııasynyń vıtse-prezıdenti, «Habar» Ulttyq televızııalyq aqparattyq agenttiginiń dırektory. 1995-1998 jyldary - «Habar» Agenttigi» respýblıkalyq memlekettik kásipornynyń bas dırektory. 1998-2001 jyldary - «Habar» agenttigi» JAQ-nyń prezıdenti. 2001-2004 jyldary - «Habar» agenttigi» JAQ-nyń dırektorlar keńesiniń tóraıymy. 2004-2007 jyldary - ІІІ saılanǵan Qazaqstan Respýblıkasy Parlamenti Májilisiniń Respýblıkalyq «Asar» partııasynyń tizimi boıynsha saılanǵan depýtaty, «Aımaq» depýtattyq tobynyń jetekshisi. 2007-2012 jyldary - «Qazaqstan Respýblıkasy Tuńǵysh Prezıdenti Qory» qoǵamdyq qorynyń dırektory. 2012-2014 jyldary Qazaqstan Respýblıkasy Parlamenti Májilisiniń depýtaty, Áleýmettik-mádenı damý komıtetiniń tóraıymy. 2014-2015 jyldary - QR Parlamenti Májilisi tóraǵasynyń orynbasary. 2015 jylǵy qyrkúıekten QR Parlamenti Senatynyń depýtaty, Halyqaralyq qatynastar, qorǵanys jáne qaýipsizdik komıtetiniń tóraıymy boldy. 2019 jyldyń naýryzynan 2020 jylǵy 4 mamyrǵa deıin Parlament Senatynyń Tóraǵasy. «Nur Otan» HDP saıası keńesiniń múshesi.

2001 jyldan bastap Eýrazııalyq medıa forýmynyń uıymdastyrýshysy jáne uıymdastyrý komıtetiniń tóraıymy. «Qurmet», «Parasat» ordenimen jáne Frantsııa Respýblıkasynyń Ádebıet jáne óner ordenimen marapattalǵan. Aǵylshyn, ıtalıan, nemis tilderin meńgergen.




46 jyl buryn (1975) Qaraǵandy oblysynyń ákimi Jeńis Mahmuduly QASYMBEK dúnıege keldi.

Jambyl oblysy Shý qalasynda týǵan. Qazaq memlekettik sáýlet-qurylys akademııasynyń sáýlettik orta dızaıny fakýltetin (1997), Eýrazııa ýnıversıtetiniń memlekettik jáne mýnıtsıpaldyq basqarý isi fakýltetin (2001) ekonomıst mamandyǵy boıynsha bitirgen. 1998 jyldan - «TemirBank» AAQ bas mamany. 1998 jyldan - QR Tabıǵı monopolııalardy retteý jáne básekelestikti qorǵaý agenttiginde temirjol kóligi jáne porttar bóliminiń bastyǵy. 1999 jyldyń qarashasynan jeltoqsanyna deıin - QR Kólik jáne kommýnıkatsııalar mınıstrliginiń Úılestirý departamentinde kólik saıasaty bóliminiń bastyǵy. 1999 jyldyń jeltoqsanynan - QR Kólik jáne kommýnıkatsııalar mınıstrliginde Keliktegi tarıftik saıasat basqarmasynyń bastyǵy. 2000 jyldyń sáýirinen mamyryna deıin - QR Kólik jáne kommýnıkatsııalar mınıstrliginde Kóliktegi tarıftik saıasat departamenti dırektorynyń orynbasary. 2000 jyldyń mamyrynan qazanyna deıin - QR Kólik jáne kommýnıkatsııalar mınıstrliginiń Kóliktegi tarıftik saıasat departamenti dırektorynyń orynbasary. 2000 jyldyń qazanynan jeltoqsanyna deıin - QR Kólik jáne kommýnıkatsııalar mınıstrliginiń Sý kóligi departamenti dırektorynyń m.a. 2000 jyldyń jeltoqsanynan - QR Kólik jáne kommýnıkatsııa mınıstrliginde Sý kóligi departamentiniń dırektory. 2004 jyldan - «Aqtaý halyqaralyq teńiz saýda porty» RMK dırektory. 2005 jyldan - QR kólik jáne kommýnıkatsııalar vıtse-mınıstri. 2009 jyldan - QR Kólik jáne kommýnıkatsııalar mınıstrliginiń jaýapty hatshysy. 2014 jylǵy naýryz-maýsym aılarynda - QR Kólik jáne kommýnıkatsııalar mınıstri. 2014-2016 jyldary Qazaqstan Respýblıkasy Investıtsııalar jáne damý mınıstriniń birinshi orynbasary boldy. 2016-2018 jyldary QR Investıtsııalar jáne damý mınıstri. 2018-2019 jyldary - QR Indýstrııa jáne ınfraqurylymdyq damý mınıstri. Qazaqstan Respýblıkasy Premer-mınıstriniń orynbasary (02.2019-09.2019).

Qazirgi qyzmetinde - 2019 jyldyń qyrkúıek aıynan.

«Qurmet» ordenimen, «Qazaqstan Respýblıkasynyń táýelsizdigine 10 jyl» (2001), «Astananyń 10 jyldyǵy» (2008) medaldarmen marapattalǵan.




45 jyl buryn (1976) Qazaqstan Respýblıkasy Parlamenti Senatynyń depýtaty, ekonomıkalyq saıasat, ınnovatsııalyq damý jáne kásipkerlik komıtetiniń múshesi Lázzat Tuıaqbaıqyzy RYSBEKOVA dúnıege keldi.

Oral qalasynda týǵan. Jáńgir han atyndaǵy Batys Qazaqstan agrarlyq-tehnıkalyq ýnıversıtetin esepshi-qarjyger mamandyǵy boıynsha (1997); Almaty q. Qazaq memlekettik zań akademııasyn quqyqtaný mamadyǵy boıynsha (2001) támamdaǵan.

Eńbek joly: qarjylyq baqylaý basqarmasy qyzmetter salasy bóliminiń aǵa baqylaýshy-tekserýshisi (1997-1998); «Qazaqtelekom» AQ bólimshesi – Batys Qazaqstan oblystyq telekommýnıkatsııa dırektsııasynyń býhgalterııa balansyn keltirý sektorynyń esepshisi, ákimshilik-quqyq qyzmetiniń mamany, bólimshe bıznesin damytý boıynsha jetekshi mamany, menedjmentti damytý bóliminiń jetekshi mamany, menedjmentti damytý bóliminiń bastyǵy, sharttyq-quqyqtyq jumys boıynsha keńesshi zańgeri (1998-2003); Batys Qazaqstan prokýratýrasynyń jalpy qadaǵalaý basqarmasynyń mamany, jemqorlyqpen kúres boıynsha toptyń mamany, jalpy qadaǵalaý basqarmasy prokýrorynyń kómekshisi (2003); bólimsheniń bıznesti damytý boıynsha mamany, uıymdastyrý bóliminiń bastyǵy, baılanys operatorlarymen kelisý bóliminiń bastyǵy (2003-2011); «Oral gýmanıtarlyq kolledji» memlekettik emes mekemesiniń qarjy dırektory (2011-2015); «Batys Qazaqstan oblysy Іsker áıelder assotsıatsııasy» QU tóraıymy (2015 jyldan bastap).

2020 jyldyń tamyzynan bastap qazirgi qyzmetinde.

Marapattary: «Bilim salasyndaǵy ınnovatsııa men salt-dástúrdiń saqtalýyna qosqan úlesi úshin», Jeneva, Shveıtsarııa (2014); «Uıymdy basqarýdaǵy jetistikteri úshin», London, Ulybrıtanııa (2015).




51 jyl buryn qoǵam qaıratkeri, QR Prezıdenti janyndaǵy Ulttyq qoǵamdyq senim keńesiniń burynǵy múshesi Arman Shoraev dúnıege keldi.

Kókshetaý oblysynda (qazirgi Aqmola oblysynda) týǵan. 1990 jyly Kókshetaý pedagogıkalyq ınstıtýtyn «Orys tili páni muǵalimi» mamandyǵy boıynsha, 2001 jyly «Ádilet» Joǵary quqyq mektebin «Zańger» mamandyǵy boıynsha, 2005 jyly Kókshetaý ekonomıka jáne menedjment ınstıtýtyn bitirgen, ekonomıka magıstri. Eńbek joly: Kókshetaý oblystyq radıosynyń jastar baǵdarlamalarynyń redaktory (1989-1991); Kókshetaý oblystyq teleradıokompanııasynyń tikeleı efır baǵdarlamalarynyń júrgizýshisi (1991-1995); «Oqjetpes» táýelsiz TRK dırektory (1996-1997); Astana qalasy boıynsha KTK telearnasynyń menshikti tilshisi (1997-1999); Aqmola oblystyq teleradıokompanııasynyń tóraǵasy (1999-2004); «Habar» agenttigi» AQ ortalyq bıýrosynyń dırektory (2004-2006); Qazaqstan Respýblıkasy Prezıdenttigine kandıdat N.Á. Nazarbaevtyń Respýblıkalyq qoǵamdyq shtaby baspasóz qyzmetiniń jetekshisi (2005); «Habar» agenttigi» AQ Bas dırektorynyń orynbasary (2006); Qazaqstan Respýblıkasy Prezıdenti Ákimshiliginiń áleýmettik-saıası bóliminiń bas ınspektory (2006-2007); «Kommertsııalyq televızııalyq arna» AQ Bas dırektory (06.2007-11.2014); Qazaq kuresi ulttyq federatsııasynyń prezıdenti (2011-10.2019); Qazaqstan Respýblıkasy Prezıdenti janyndaǵy ulttyq qoǵamdyq senim keńesiniń múshesi (17.07.2019-03.2020).

«Dene shynyqtyrý, sport jáne týrızmdi damytýdaǵy eńbegi úshin» qurmet belgisimen (2015)marapattalǵan.


Basty sózder: Kúntizbe,
Joǵary qaraı