Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

700-den astam atyraýlyq júrgizýshi kólikterine ksenon taqqan

2021 jyldyń 2 jeltoqsan 2021 23:48

ATYRAÝ. QazAqparat – Atyraýda jyl basynan beri 700-den astam júrgizýshiniń kóligine ksenon taqqany anyqtaldy, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetinshe, Atyraýda kóligine ksenon, led shamdaryn qondyrǵan júrgizýshiler kóbeıgen.

«Osyndaı jaryq shamdaryn qondyrǵan kólik júrgizýshileri joldyń qarsy baǵytyndaǵy jol qozǵalysy qaýipsizdigine keri áserin tıgizip, kóptegen narazylyq týdyryp otyr. Bıylǵy jyl basyna beri osyndaı áreketke barǵan 700-den astam júrgizýshi ákimshilik jaýapkershilikke tartyldy. Máselen, 29 qarashada saǵat 21:05 shamasynda Atyraý qalasyndaǵy Satpaev kóshesinde «VAZ-21144» markaly avtokóligi toqtatyldy. Tekserý kezinde júrgizýshisi 21 jastaǵy júrgizýshiniń kólik quralyna ksenon jaryǵyn taqqany anyqtaldy. Atalǵan júrgizýshige qatysty QR Ákimshilik quqyqbuzýshylyq týraly kodeksiniń 590-babynyń 7-bólimimen (Syrtqy jaryq berý aspaptaryn zańsyz qaıta jabdyqtaǵany úshin) ákimshilik hattama toltyrylyp, 43 755 teńge kóleminde aıyppul salyndy» -dep habarlady departamenttiń baspasóz qyzmeti.

Al, 1 jeltoqsanda saǵat 23:55 shamasynda Atyraý qalasyndaǵy Azattyq dańǵylynda toqtatylǵan «Toyota Camry» markaly avtokóliginiń 24 jastaǵy júrgizýshisi kóligine ksenon jaryǵyn taǵý deregin ekinshi ret qaıtalaǵany belgili boldy. Júrgizýshi QR Ákimshilik quqyqbuzýshylyq týraly kodeksiniń 590-babynyń 10-bólimimen (Syrtqy jaryq berý aspaptar derekteri kólik quralynyń konstrýktsııa talaptaryna sáıkes kelmeıtin avtokólik basqarǵany úshin) 14 585 teńge kóleminde aıyppul tóledi.

Eske sala ketelik, budan buryn Atyraýda bir kúnde 30-ǵa jýyq jol-kólik apaty tirkelip, zardap shekkender baryn habarlaǵan edik.



Avtor Bek Mustafa
Basty sózder: Atyraý oblysy, Kólik, Qoǵam,
Joǵary qaraı