Aýa raıy
Astana -6 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

8 aıda rezeńke jáne plastmassa buıymdary óndirisiniń kólemi 9,3 paıyzǵa artty

2020 jyldyń 16 qazan 2020 09:32

NUR-SULTAN. QazAqparat - Qazaqstanda 2020 jyldyń qańtar-tamyzynda rezeńke jáne plastmassa buıymdary óndirisiniń kólemi 9,3 paıyzǵa artty, dep habarlaıdy QazAqparat tilshisi www.energyprom.kz saıtyna silteme jasap.

Osy jyldyń 8 aıynda rezeńke jáne plastmassa buıymdary óndirisiniń kólemi 145,3 mlrd teńgeni qurap, ótken jyldyń qańtar-tamyzymen salystyrǵanda 9,3 paıyzǵa artty. Jalpy 2019 jyly óndiris kólemi jyl ishinde 15,6 paıyzǵa ósip, 244,4 mlrd teńgeni quraǵan bolatyn.

Rezeńke jáne plastmassa buıymdary óndirisi kóleminiń jartysyna jýyǵy úsh óńirge tıesili. Kósh basyndaǵy Almaty oblysy 30,1 mlrd teńgege, odan keıin Nur-Sultan qalasy 22,5 mlrd teńgege, al úshinshi orynda turǵan Almaty qalasy 18,5 mlrd teńgege buıym shyǵarǵan. Óndiristiń jyldyq eń joǵary ósimi Aqmola (+76,5 paıyz), Batys Qazaqstan (+56) jáne Mańǵystaý (+47,7) oblystarynda tirkelgen.

Ótken jyldyń qańtar-tamyzymen salystyrǵanda naqty mánde plastmassa ónimderi ǵana ósim kórsetip otyr. Atap aıtqanda, úı sharýasyna qajetti plastmassa buıymdarynyń óndirisi 36,6 paıyzǵa artyp, 7 myń tonnaǵa jýyqtady. Munan bólek 17,1 myń tonna qapshyq pen sómke, 76,5 myń tonna qubyr men qubyrshek, olardyń plastmassadan jasalǵan fıtıngteri shyǵaryldy.

Alaıda rezeńkeden jasalatyn buıymdar óndirisi kerisinshe qysqara túsken. Naqty aıtqanda, qubyr men qubyrshek óndirisi 20,3 paıyzǵa, konveınerlik taspa men jetekti beldik 12,1 paıyzǵa tómendep otyr.


Avtor Marlan Jıembaı
Basty sózder: Statıstıka, Ónerkásip,
Joǵary qaraı