Aýa raıy
Astana 9 °S
Almaty 11 °S
valıýta baǵamy
USD 412.55
EUR 468.66
RUB 5.79
CNY 58.80

81,3 myń otbasyǵa qurbandyqqa shalynǵan maldyń eti úlestirdi - QMDB

2020 jyldyń 3 tamyz 2020 18:33

NUR-SULTAN. QazAqparat – Qazaqstan musylmandary dinı basqarmasy 81,3 myń otbasyǵa qurbandyqqa shalynǵan maldyń etin úlestirdi, dep habarlaıdy QazAqparat tilshisi.

Qazaqstan musylmandary dinı basqarmasy qoǵam aldyndaǵy qaıyrymdylyq qyzmetin jandandyra túsý maqsatynda jáne elimizdegi epıdemıologııalyq jaǵdaı kezinde musylmandyq mindetti kedergisiz atqarýǵa ońtaıly usynys retinde qurban2020.kz jobasyn iske qosty.

Sanıtarlyq talaptardy saqtaı otyryp, osy jobany joǵary deńgeıde júzege asyrý úshin ár aımaqta jumys toby quryldy. QMDB ókildigi janynan qurylǵan jumys toby táýlik boıy qyzmet etti. Osy jobaǵa din qyzmetkerlerimen qosqanda 3 924 erikti, 872 kólik jumyldyryldy.





Elimizde belgilengen 35 statsıonarlyq qasaphanada 394 qasapshy jumys istedi. Al ár óńirdegi ortalyqtandyrylǵan jumys tobynda 447 adam qyzmet etti. Respýblıka boıynsha 25 sall-ortalyq qurban2020 jobasy boıynsha tıisti keńes pen aqparat berýmen aınalysty.

Igi iske úles qosqan eriktiler men meshit jamaǵatynyń belsendi jumysynyń nátıjesinde 81 301 muqtaj otbasyǵa qurbandyq eti jetikizildi. Jer-jerdegi qarttar, jetimder, balalar úıleri men aýrýhanalarda da qaıyrymdylyq sharalary ótkizildi.

Aıta ketsek, QMDB-nyń aımaqtaǵy ókilderi aıttyń birinshi kúninde (31 shilde) kómekke zárý 30 715 otbasyǵa qurbandyq etin úlestirdi. Al aıttyń ekinshi kúninde (1 tamyz) 27 741 januıa merekelik qýanyshqa bólendi.





Qurban aıttyń úshinshi kúninde (2 tamyz) 22 845 otbasyǵa et taratyldy. Jalpy alǵanda, ıaǵnı barlyq oblysty qamtyǵanda Qurban aıttyń úsh kúninde 81 301 januıaǵa et jetkizildi.





Basty sózder: Qaıyrymdylyq, Din,
Joǵary qaraı