Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

98 jastaǵy soǵys ardageri koronavırýsqa qarsy vaktsına saldyrdy

2021 jyldyń 14 qazan 2021 14:26

QYZYLORDA OBLYSY. QazAqparat - Qyzylorda oblysy Qazaly aýdany, Bekarystan bı aýylynyń turatyn 98 jastaǵy Qabaq Smaǵul koronavırýsqa qarsy ekpe saldyrdy, dep habarlaıdy QazAqparat tilshisi.

Maıdanger densaýlyq zor baılyq ekenin alǵa tartty. Sondyqtan qazir álemdi jaılaǵan aqýipti derttiń betin qaıtarý úshin eldi ekpe qabyldaýǵa shaqyrdy.

«Qazir álem halqy pandemııanyń aýyr zardabyn tartyp keledi. Odan qutylýdyń basty joly - vaktsınatsııa. Men ǵasyrlyq jasqa qadam bastym. Dese de qaı jasta da adam óziniń densaýlyǵyna mańyz berýi tıis. Sondyqtan koronavırýsqa qarsy vaktsına qabyldaýdy jón sanadym», - dedi qart maıdanger.
1923 jyldyń 1 shildesinde dúnıege kelgen Qabaq aqsaqal 1942 jyly soǵysqa attanǵan. Týla qalasyn azat etýge qatysqan. 1943 jyly aýyr jaralanyp elge oralǵan.
Beıbit ómirde bilek sybana eńbek etti. Maıdanger aǵartý úıiniń meńgerýshisi, aýyldyq keńestiń hatshysy laýazymyn atqardy. Esepshilik salasynda týra 40 jyl jumys jasady. Jubaıy Kúljan ekeýi on bala ósirip, el qataryna qosty. Balalarynyń barshasy joǵary bilim aldy. Bul kúnderi nemere-shóbere, shópshek súıip otyr.
Eldiń damýy úshin qyzmet jasaǵan maıdanger kóptegen orden, medaldardyń ıegeri.
Aıta ketsek, oblysta vaktsınatsııanyń birinshi komponentimen egilgender sany – 329492 adamdy quraıdy. Al vaktsınamen tolyqtaı qamtylǵandar sany 271 173 adamǵa jetti7
Eske salsaq, Qyzylordada ekpe qabyldaýǵa qabiletti azamattardyń 72 paıyzy vaktsına saldyrdy.



Joǵary qaraı