Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

+997: Qazaqstannyń jańa telefon kody belgilendi

2021 jyldyń 21 qyrkúıek 2021 13:54

NUR-SULTAN. QazAqparat – Elimizde jańa +997 nómirli def kod belgilendi. Sol sııaqty endigi ýaqytta elimizden syrtqa qońyraý shalǵanda sheteldegi adamnyń telefonynda «Qazaqstan» dep shyǵyp turady. Atalǵan jańashyldyq týraly QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın málim etti, dep habarlaıdy QazAqparat tilshisi.

«Jaqsy jańalyq! BUU janyndaǵy halyqaralyq elektr baılanys odaǵy Qazaqstanǵa jańa +997 def kodyn belgiledi. Endi bizdiń elden basqa memleketke qońyraý shalǵanda, sheteldikterdiń telefonynda Qazaqstan degen jazý shyǵady. Sondaı-aq halyqaralyq deńgeıdegi tsıfrly servısterdi qoldanǵanda da, barlyq jerde Qazaqstan degen sıgnal shyǵady», - dep jazdy Baǵdat Mýsın óziniń Facebook paraqshasynda.

Mınıstrdiń aıtýynsha, qazirgi ýaqytta tıisti qujattar rásimdelip, jańa kodqa kóshý boıynsha is-sharalar atqarylyp jatyr.

«Kezinde KSRO taraǵanda, +7 halyqaralyq telefon kody eki elge birdeı bekitilgen bolatyn. Biz Qazaqstanǵa ǵana tıesili halyqaralyq kodqa qol jetkizý úshin byltyrdan beri telekommýnıkatsııa salasyndaǵy kompanııalarmen birge jan-jaqty jumys júrgizip kelemiz. Osy kelissózderdiń nátıjesinde bizdiń elge derbes +997 kody bekitildi», - deıdi vedomstvo basshysy.


Joǵary qaraı