Aýa raıy
Astana -8 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Ábilqaıyr Sqaqov: 2021 jyly memlekettik baǵdarlamalarǵa basa mán beriledi

2020 jyldyń 26 qarasha 2020 13:48

NUR-SULTAN. QazAqparat – Pavlodar oblysynyń ákimi Ábilqaıyr Sqaqov 2021 jylǵy basty jumys josparyn jarııa etti, dep habarlaıdy QazAqparat tilshisi.

«Keler jyldyń jospary týraly da aıta keteıin. Árıne, bizdiń eń birinshi mindet – oblys turǵyndaryn jumyspen qamtý. Bul baǵytta osy jyldyń aıaǵyna deıin 33 myńnan astam adamdy jumyspen qamtysaq, aldaǵy jyly taǵy 35 myń turǵyndy eńbekke tartý jospary bar», - dedi Ábilqaıyr Sqaqov OKQ-da ótken baspasóz máslıhatynda.

Oblys ákimi atap ótkendeı, ekinshi mindet - shaǵyn jáne orta bıznesti qoldaý jáne olardyń óndirisin ulǵaıtý. Osy jyly pandemııa saldarynan taýarlardyń ımporty azaıǵany belgili, esesine otandyq ónimge suranys artqan. Ábilqaıyr Sqaqov bul ózgeristi shaǵyn jáne orta bızneske tapsyrys berýdi arttyrýdyń jáne ımportqa táýeldi bolmaýdyń myqty múmkindigi dep sanap otyr.

«Úshinshiden, memlekettik baǵdarlamalardy iske asyrýǵa basymdyq bermekpiz. Bulardyń karantınnen keıin halyqtyń ál-aýqatyn arttyrý úshin yqpaly zor. «Jumyspen qamtýdyń jol qartasy» aıasynda qolǵa alynatyn jobalar tizimi daıyn tur. «Nurly jer» boıynsha turǵyn úı salamyz, «Aýyl – el besigin» eldi mekenderdi abattandyrýǵa qoldanamyz, al «Bıznestiń jol kartasy» arqyly nesıe berý jalǵasady. Budan bólek, «Qarapaıym zattar ekonomıkasy» sııaqty basqa baǵdarlamalardyń múmkindikterin barynsha paıdalanamyz», - deıdi Ábilqaıyr Sqaqov.



Joǵary qaraı