Aýa raıy
Astana -15 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Ábilqaıyr Sqaqov Pavlodar óńirinde KVI-diń órshýi jaıly: Jaǵdaı baqylaýda

2020 jyldyń 26 qarasha 2020 13:09

NUR-SULTAN. QazAqparat – Pavlodar oblysynyń ákimi Ábilqaıyr Sqaqov óńirdegi koronavırýs ınfektsııasyn juqtyrý tizbegin úzý úshin epıdemıologııalyq zertteý barynsha sapaly ári jyldam júrgiziletinin málim etti, dep habarlaıdy QazAqparat tilshisi.

«Pavlodar oblysy «qyzyl aımaqta» turǵandyqtan óńirdegi epıdemıologııalyq ahýal týraly aıtyp óteıin. Keshe óńirde koronavırýs juqtyrǵan 110 adam tirkeldi. Aıdyń basynda óńirdiń «qyzyl aımaqqa» alǵash ret enýine shetelden kelgen naýqastardyń da yqpaly boldy. Oblysymyz Reseıdiń koronavırýs jaılaǵan úsh aımaǵymen shektesedi. Qazan aıynyń basynan osy baǵyttaǵy shekaralyq beketter arqyly bizge 34 myńǵa jýyq adam kirdi. Qarasha aıynda engizilgen qosymsha shekteý Reseıden keletin adamdar legin sáıkesinshe koronavırýstyń osy jaqtan tasymaldaný faktisin edáýir azaıtty», - dedi Ábilqaıyr Sqaqov OKQ-da ótken baspasóz máslıhatynda.

Aımaq basshysynyń aıtýynsha koronavırýs juqtyrýdyń negizi bóligi - naýqastarmen tikeleı baılanysqa túskendar.

«Sondyqtan biz ınfektsııany juqtyrý tizbegin úzý úshin epıdemıologııalyq zertteýdi barynsha sapaly ári tez jasaıtyn bolamyz. Óńirdegi ahýal shıelenisip tur. Degenmen densaýlyq saqtaý júıesin materıaldyq-tehnıkalyq jáne kadrlyq bazasyn áldeqaıda nyǵaıtýdyń arqasynda jaǵdaıdy baqylaýda ustaýǵa múmkindik bar», - dedi ol.

Ákim bergen esepke sáıkes, oblystaǵy aýrýhanalardaǵy jalpy tósek qory men jansaqtaý bólimderindegi oryn kóbeıtilip, statsıonarlar barynsha jabdyqtalǵan. Ottegi núkteleriniń sany alty ese artyp, dári-dármektiń jetkilikti qory jınalǵan. Medıtsınalyq qyzmetkerler rezervi 600 adamǵa jetken.


Joǵary qaraı