Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

«Abý-Dabı Plazanyń» eń bıik munarasyn «Qazaqstan» dep ataımyn – Nursultan Nazarbaev

2020 jyldyń 1 jeltoqsan 2020 10:32

NUR-SULTAN. QazAqparat - «Abý-Dabı Plazanyń» eń bıik munarasy «Qazaqstan munarasy» dep atalady. Bul týraly «Qazaqstan» telearnasyna bergen suhbatynda QR Tuńǵysh Prezıdenti – Elbasy Nursultan Nazarbaev aıtty, dep habarlaıdy QazAqparat tilshisi.

«Kelesi jyly aıaqtalatyn «Abý-Dabı Plazanyń» eń bıik munarasyn «Qazaqstan munarasy» dep ataımyn. Mundaı bıik ǵımarat joq. Keń dalamyzda alystan kórinip turatyn bolady. Dinı jáne týrıstik maqsatta álemdegi eń úlken meshit salynyp jatyr. El astanasyn odan ári kórkeıtý úshin talaı oılar, josparlar bar. Kóp bolyp qolǵa alsaq, atqarylmaıtyn is joq. Munyń barlyǵy Qazaqstannyń álem aldyndaǵy áleýetin kórsetedi», - dedi N.Nazarbaev.

Elbasy telearnaǵa bergen suhbatynda Túrkistan qalasyn oblys ortalyǵy etip bekitý sheshiminiń mańyzy men qalanyń keleshek josparlary jaıynda jan-jaqty baıandady. Sonymen qatar Túrkistan bolashaqta el astanasy bolýy múmkin be degen kópshilik arasynda taraǵan qaýesetke qatysty pikirin bildirdi.

«Túrkistandy kóterý – paryzymyz, bizdiń halqymyz úshin qajet. Bul tarıhy tereńde jatqan kóne qalamyzdyń biri. Túrkistandaǵy kóne ǵımarattardyń qalpyn saqtap, jergilikti halyq pen týrıster úshin tarıhymyzdy pash etetin ortalyq retinde qaldyrýymyz qajet», - dedi Elbasy.

«Túrkistan: kóne men keleshek kópiri» derekti fılmi N.Nazarbaevtyń «Qazaqstan» respýblıkalyq teleradıokorporatsııasynyń Basqarma tóraıymy, jýrnalıst Lázzat Tanysbaıǵa bergen suhbaty negizinde ázirlendi. Derekti týyndy «Qazaqstan» telernasynan búgin 20:00-de efırge shyǵady.



Joǵary qaraı