Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Adam quqyǵyn mindetti túrde saqtaımyz - Qasym-Jomart Toqaev

2022 jyldyń 28 qańtar 2022 15:21

NUR-SULTAN. QazAqparat – Lańkester memleketimizge shabýyl jasap, el tynyshtyǵyn buzdy. Bul týraly « «Nur Otan» partııasynyń kezekten tys HHІ sezinde QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Ózderińizge málim, qańtar aıynyń basynda halqymyz qaıǵyly oqıǵalardy bastan ótkerdi. Ókinishke qaraı, beıbit mıtıngilerdi radıkaldy kúshter óz maqsatyna paıdalanyp ketti. Lańkester memleketimizge shabýyl jasap, el tynyshtyǵyn buzdy. Olar bılikti basyp alýǵa tyrysty. Biz shuǵyl sharalar qabyldap, lańkesterge, qaraqshylarǵa toıtarys berdik. Zańdylyq pen qoǵamdyq tártipti qalpyna keltirdik. Memleketimizdiń tutastyǵyn saqtap qaldyq», - dedi Memleket basshysy.

QR Prezıdentiniń atap ótýinshe, quzyrly organdar kináli adamdy anyqtap, jaýapqa tartý úshin tergeý júrgizýde.

«Bul jumys tek zań aıasynda júzege asyrylatynyna kúmán bolmaýǵa tıis. Bári Bas prokýratýranyń jáne meniń jeke baqylaýymda bolady. Adam quqyǵyn mindetti túrde saqtaımyz»,- dedi Qasym-Jomart Toqaev.

Aıta keteıik, partııa sezindegi Memleket basshysynyń sóılegen sózi QR Prezıdenti baspasóz qyzmetiniń Twitter-degi paraqshasynda jarııalanýda.


Joǵary qaraı