Aýa raıy
Astana 31 °S
Almaty 35 °S
valıýta baǵamy
USD 412.55
EUR 468.66
RUB 5.79
CNY 58.80

Adam ómirinen qymbat eshnárse joq - Murat Baqtııaruly

2020 jyldyń 9 shilde 2020 18:47

NUR-SULTAN. QazAqparat - Adam ómirinen qymbat eshnárse joq. Bul týraly QR Parlamenti Senatynyń depýtaty Murat Baqtııaruly aıtty, dep habarlaıdy QazAqparat tilshisi.

«Prezıdent óziniń keshegi úndeýinde Úkimettiń, ásirese Densaýlyq saqtaý mınıstrliginiń, jergilikti atqarýshy organdardyń indetke qarsy naqty is- sharalar jasamaǵandyǵy týraly ashyq aıtty. Tolyq qoldaımyn. Bul Parlament qabyrǵasynda da aıtylǵan bolatyn. Tyńdaıtyn qulaq bolmady. Ókinishke oraı kóptegen otandastarymyz der kezinde naqty dárigerlik kómek alamaǵandyqtan, tıisti dári-dármekter jetpegendikten ómirden ozdy. Búkil bılik olardyń aldynda kinálimiz dep sanaımyn. Áli de bolsa on myńdaǵan adamdarǵa kómek qajet. Olar qatty qınalýda. Barlyq kúshimizdi solardyń ómirin saqtap qalýǵa jumsaıyq. Úkimet abattandyrýǵa, jol salýǵa jáne taǵy basqalarǵa qatysty shyǵyndardy qysqartyp, onyń ornyna qajetti medıtsınalyq qural-jabdyqtardy satyp alýy kerek. Adam ómirinen qymbat eshnárse joq», - dedi Murat Baqtııaruly.

Aıta keteıik, keshe QR Prezıdenti Qasym-Jomart Toqaev respýblıkalyq telearnalar arqyly elimizde qalyptasqan ahýalǵa baılanysty úndeý jasap, onda 13 shilde kúni Ulttyq aza tutý kúni dep jarııalanatyndyǵyn aıtqan edi.


Joǵary qaraı