Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Adam janynyń arashasy: Qazaqstanda neshe dáriger jumys isteıdi

2021 jyldyń 16 maýsym 2021 17:21

NUR-SULTAN. QazAqparat – Elbasy kitaphanasynda Medıtsına qyzmetkerleri kúnine oraı «Adam janynyń arashasy» atty saltanatty kezdesý ótti, dep habarlaıdy QazAqparat tilshisi.

Sharaǵa Premer-Mınıstrdiń orynbasary Eraly Toǵjanov, Elbasy kitaphanasynyń dırektory Baqytjan Temirbolat, Densaýlyq saqtaý mınıstri Alekseı Tsoı, Nursultan Nazarbaev qorynyń atqarýshy dırektorynyń orynbasary Álkeı Marǵulanuly, Ulttyq neırohırýrgııa ortalyǵyǵynń basqarma tóraǵasy Serik Aqsholaqov, Parlament Májilisiniń depýtaty Larısa Pavlovets, University Medical Center korporatıvtik qorynyń basqarma tóraǵasy ıÝrıı Pıa jáne basqa da ǵylymı medıtsınalyq uıymdardyń ókilderi qatysty.

Kezdesýdi ashqan Elbasy kitaphanasynyń dırektory Baqytjan Temirbolat pandemııamen kúrestegi dárigerlerdiń ólsheýsiz eńbegine toqtaldy.




«Ár adamnyń dertine shıpa, janyna daýa syılaıtyn abzal jandardyń eren eńbegin joǵary baǵalaǵan Nursultan Ábishuly Nazarbaev maýsym aıynyń úshinshi jeksenbisin Medıtsına qyzmetkerleri kúni dep bekitken bolatyn. Táýelsizdik jyldarynda Qazaqstanda tıimdi densaýlyq saqtaý salasy qalyptasty. Ony uıymdastyrý, basqarý jáne qarjylandyrý júıesi reformalandy. Osynyń arqasynda kórsetiletin qyzmettiń sapasy artty. Tuńǵysh Prezıdentiń bastamasymen el astanasynda medıtsınalyq klaster qurlyp, salaǵa aýqymdy ózgeris ákeldi. Postkeńestik keńistikte alǵash ret uıymdastyrylǵan klaster zamanaýı ǵylymnyń jetistikterin engizip, emdeý men daıgnostıkanyń menedjmentin halyqaralyq standarttar boıynsha transformatsııalady. Búkil álemge áıgili ýnıversıtettermen, klınıkalarmen áriptestik ornatý arqasynda birlesken ǵylymı zertteýler, jobalar iske asyryldy», - dep atap ótti kiptahana basshysy.




Sondaı-aq, ol pandemııamen kúrestiń alǵy shebinde júrip kóz jumǵan mamandardy eske aldy.

«Osynaý qıyn kezeńde vırýs birtalaı medıtsına qyzmetkeriniń ómirin qıyp ketti. Adam balasyna tán múmkindigin sarqa paıdalanyp, aqtyq demi qalǵansha aýrýmen kúresken marqumdardyń kóbi - óz isiniń úzdikteri bolǵan edi. Dárigerlermiz Gıppokrat ósıetine adaldyq tanytyp, ózderin patrıot retinde kórsete bildi. Ózderi órtense de, ózgelerge ómir syılady. Sondyqtan olardyń esimi júregimizde saqtalady. Búgin osy kezdesýge onlaın baılanys arqyly bolashaq dárigerler de qatysyp otyr», - dedi Baqytjan Temirbolat.

Resmı derek boynsha, Qazaqstanda memlekettik nysandaǵy 496 aýrýhana men 1955 ambýlatorııalyq-emhanalyq uıym jumys isteıdi.

Onda 207 myńǵa jýyq medıtsına qyzmetkeri, onyń ishinde 55 myńǵa jýyq dáriger eńbek etip júr.





Joǵary qaraı