Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Adamdar jarylǵysh zat týraly jalǵan habarlamany ne úshin jasaıdy

2021 jyldyń 20 qyrkúıek 2021 12:42

NUR-SULTAN. QazAqparat – Jarylǵysh zat týraly jalǵan habarlama úshin sottalǵandardyń jartysy qylmysty mas kúıde jasaǵan. Bul týraly QR ІІM ekstremızmge qarsy is-qımyl departamenti bastyǵynyń orynbasary Darhan Razýev aıtty, dep habarlaıdy QazAqparat tilshisi.

«Telefonmen jarylǵysh zat týraly habarlaıtyn buzaqylar onyń saldary qanshalyqty aýyr ekenin oılamaıdy da. Mysaly, adamdar úreılenip, daýryqqanda bir-birin ıterip, sonyń saldarynan ata-analar balasynan adasyp qalýy múmkin. Olardyń arasynda júkti áıelder, múgedek adamdar bolatyn kezder de oryn alǵan», - dedi edi ol ІІM baspasóz qyzmeti alańynda brıfıng barysynda.

Onyń atap ótýinshe, júrgizilgen taldaýǵa sáıkes, mundaı qońyraýlardy adamdar erikkennen, ázil retinde nemese mas kúıde jasaıdy.

«Sebepteri de ár túrli, olar: kek alý, buzaqylyq, mekemeniń jumysyna kedergi keltirý, mekteptegi sabaqty boldyrmaý, quqyq qorǵaý organdarynyń jumysyn tekserý. Kámeletke tolmaǵandar mundaı qylmysqa ne úshin barady? Olar dostarynyń arasynda ózin batyr ekenin kórsetkisi keledi, keıbirde úı tapsyrmasyn oryndamaǵandyqtan sabaqqa qatyspaý úshin osylaı isteıdi. Mysaly, statıstıkaǵa sáıkes jalǵan habarlamalar bergeni úshin sottalǵandardyń 48-den 55 paıyzǵa deıini qylmys jasaǵan sátte qatty mas bolǵan», - dedi Darhan Razýev.


Avtor Marlan Jıembaı
Basty sózder: QR ІІM, Qylmyspen kúres, Qoǵam,
Joǵary qaraı