Aýa raıy
Astana -6 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Adamdy qaǵyp, qashyp ketken júrgizýshi kólik synyǵy arqasynda ustaldy

2020 jyldyń 20 qazan 2020 05:22

TALDYQORǴAN. QazAqparat - Almaty oblysynda adam qaǵyp, qashyp ketken júrgizýshi kóliginiń synyqtarymen tabylyp, ustaldy, dep habarlaıdy QazAqparat tilshisi.

Oblystyq Polıtsııa departamenti baspasóz qyzmetiniń málimetinshe, Taldyqorǵan qalasyna bir shaqyrym jerde 41 jastaǵy turǵyndy kólik qaǵyp ketkendigi týraly aqparat kelip túsken. Jol apaty saldarynan zardap shekken adam oqıǵa ornynda kóz jumdy.

«Oqıǵa ornyna jetken polıtsııa muqııat tekserý kezinde bamperdiń óndirýshi zaýyt nómiri bar plastmassa synyǵyn tapty. Osy nómir boıynsha «RENAULT MANAGER« júk kóliginiń markasyn anyqtaldy. Tártip saqshylary oblystyń barlyq jeke quramyn jumyldyrylyp kúdiktini ustaýǵa kiristi. Birneshe saǵattan keıin Alakól aýdanynda Almaty-Óskemen avtojolynyń 508 shaqyrymynda patrýldik polıtsııa rotasynyń ınspektorlary Ádilet Mahatov pen Rýslan Medelhanov izdestirilip jatqan kólikti ustady. Shyǵys Qazaqstan oblysy Úrjar aýylynyń 32 jastaǵy turǵyny kóligimen adam qaqqanyn moıyndady», - dedi patrýldik polıtsııa rotasy komandıriniń mindetin atqarýshy Qaıyrbek Qanatbekov.

Avtokólik arnaıy turaqqa qoıyldy. Atalǵan derek Qylmystyq koldekstiń 345-baby 3-bóligi jáne 347-baptyń 1-bóligi «Abaısyzda adam ólimine ákep soqqan JQE buzý, JKO bolǵan jerden ketip qalý» boıynsha tirkeldi.


Avtor Samal Qabysheva
Basty sózder: Almaty oblysy, Kólik, QR ІІM,
Joǵary qaraı