Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Adamzat áli kúnge deıin tózimsizdik pen ksenofobııadan aryla almaı otyr – Prezıdent

2021 jyldyń 14 qazan 2021 12:52

TARAZ. QazAqparat – QR Prezıdenti Qasym-Jomart Toqaev Tarazda ótip jatqan «Qazirgi kezeńdegi etnosaralyq kelisim: tájirıbe jáne keleshektegi mindetter» atty halyqaralyq konferentsııaǵa qatysýshylaryna úndeý joldady, dep habarlaıdy QazAqparat.

«Jalpyulttyq birlik – Qazaqstannyń barlyq jetistikteriniń bastaýynda turatyn baǵa jetpes baılyǵymyz. Tuńǵysh Prezıdentimiz – Elbasy Nursultan Ábishuly Nazarbaevtyń basshylyǵymen elimizde etnosaralyq kelisimniń ózindik modeli qalyptasty. Búkil álem moıyndaǵan osy úlgi barsha etnos jáne konfessııa ókilderin uıystyrýǵa, mádenıetter men tilderdi ózara úılesimdi damytýǵa negizdelgen. Qazaqstan óziniń ulttyq biregeıliginiń negizi sanalatyn «birligimiz – áralýandyqta» degen qaǵıdatty berik ustanyp keledi. Biz halqymyzdyń yrysty yntymaǵy men jasampaz eńbeginiń arqasynda Táýelsizdigimizdi nyǵaıtyp, qýatty memleket qurdyq», -delingen Prezıdent úndeýinde.

Memleket basshysynyń aıtýynsha, jahandyq jáne óńirlik deńgeıdegi jańa syn-qaterler jaǵdaıynda el birligin nyǵaıtýdyń mańyzy arta tústi.

«Adamzat áli kúnge deıin tózimsizdik pen ksenofobııadan aryla almaı otyr. Kóptegen memlekette etnosaralyq sıpattaǵy áleýmettik shıelenis órship barady. Sondyqtan, halyqaralyq qaýymdastyqtyń aldynda osy túıtkildi máseleni sheshýdiń tıimdi joldaryn izdeý, qoǵamdyq damýdyń jańa ınklıýzıvti modelin ázirleý mindetteri tur. Bul rette sarapshylar men kásibı zertteýshilerdiń ǵylymı ustanymnan aınymaı, belsendi jumys isteýi asa mańyzdy. Konferentsııaǵa qatysýshylar tyń ıdeıa usynyp, óz tájirıbelerin bólisip, syndarly suhbat qurady dep senemin. Eńbekterińiz jemisti bolsyn!», - dep tolyqtyrylǵan úndeý mátini.


Joǵary qaraı