Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ádilet mınıstri qazaqstandyqtardyń ómirin jeńildetýge baǵyttalǵan zańdar týraly aıtty

2021 jyldyń 26 qazan 2021 17:54

NUR-SULTAN. QazAqparat – Ádilet mınıstri Marat Beketaev elimizde el turǵyndarynyń ómirin jeńildetýge arnalǵan qandaı zań jobalary jumys isteıtinin aıtyp berdi. Bul týraly «Habar» arnasynda Erlan Bekhojınnyń «Natsıonalnyı ınteres» baǵdarlamasynda áńgime bolǵan edi, dep habarlaıdy QazAqparat tilshisi.

«Osy oraıda ákimshilik protsedýralyq kodeks zańyn atap ótýge bolady. Bul kodeks elde ákimshilik ádilettilikti engizdi. Birden aıta ketý kerek, bul ákimshilik quqyq buzýshylyq týraly kodeks emes. Ákimshilik ádilettilik týraly áńgimeni bastaǵanda, memlekettik organdar men azamattar jáne bıznestik qarym-qatynas týraly da sóz qozǵalady. Atalǵan kodeks ekijaqty qatynastyń paradıgmasyn ózgertedi. Ol bizdiń qoǵamdaǵy janjaldasýdy azaıtýǵa baǵyttalǵan. Degenmen bul barlyq sheneýnik birden ózgerip, basqasha jumys isteı bastaıdy degendi bildirmeıdi. Bul, azamattardyń ymyraǵa kelip, óz máselelerin sotqa jetkizbeı sheshýine baǵyttalǵan rásim», - dedi Marat Beketaev «Habardaǵy» baǵdarlamada.

Mınıstrdiń aıtýynsha, atalǵan kodeks jańa múmkindikterge ıe.

«Búginde ekologııany saqtaý men qorǵaý jahandyq trendke aınalǵanyn baıqap otyrmyz. Árıne, bul dástúrden biz bas tarta almaımyz. Sonymen qatar, elimizde ótken jyly qabyldanǵan Densaýlyq týraly kodekstiń qalaı jumys istep jatqanyn kórip otyrmyz. Jańa zań jobasynyń pandemııa kezinde qabyldanǵanyn aıtyp ótý kerek. Jáne bul Memleket basshysynyń tapsyrmasy ekenin, onyń óńirlerdi aralaý kezinde júktelgenin aıtyp ótken jón. Atalǵan másele Prezıdenttiń jiti baqylaýynda. Sonyń qatarynda ekonomıkalyq ósimdi qalpyna keltirý jáne ınvestıtsııalyq ortany qoldaý men damytýǵa arnalǵan zań jobasyn erekshe aıtyp ótken jón», - deıdi ol.


Joǵary qaraı