Aýa raıy
Astana -26 °S
Almaty -1 °S
valıýta baǵamy
USD 421.58
EUR 496.83
RUB 5.53
CNY 62.20

«Aǵashkalar ekonomıkasynyń» dáýreni ótti – Ulttyq keńes múshesi

2020 jyldyń 22 qazan 2020 18:52

NUR-SULTAN. QazAqparat – Ulttyq qoǵamdyq senim keńesiniń múshesi Qaıyrbek Arystanbekov máslıhat saılaýyndaǵy jastarǵa arnalǵan 30 paıyzdyq kvota týraly pikir bildirdi, dep habarlaıdy QazAqparat tilshisi.

«Tabıǵatta adamzat úsh topqa bólinedi. Jas býyn, orta býyn, sosyn kári býyn. Osy býynnyń proportsııasy, tepe-teńdigi bolmasa, qoǵamnyń shapshań damýy bolmaıdy, ekonomıkalyq ósý qarqyny joǵary bolmaıdy jáne basqa áleýmettik bastamalar qoldaý tappaıdy. Sondyqtan, búgingi otyrysta Prezıdenttiń osy máselege erekshe toqtalǵany óte qýantady. Sebebi, osy kúnge deıin bizde búkil máslıhat boıynsha jastardyń sany 60-aq adam ekenin aıtty», - dedi Q. Arystanbekov elordada tilshilerge bergen suhbatynda.

Sonymen birge sarapshy «aǵashkalar ekonomıkasy» tómendep, jastardyń múddesi aldyńǵy qatarǵa qoıylatynyn aıtty.

«Jastar arasynda «aǵashkalar ekonomıkasy» degen uǵym bar. Ol degenimiz – jergilikti máslıhat boıynsha kári býyn basqaryp, ózderi bıýdjetti bólip, saıasat júrgizip keldi. Endi Prezıdent neni aıtyp otyr, kári býynǵa qosa, orta býyndy, sosyn jas býyndy qosý kerek. Sonda joǵaryda aıtqan tepe-teńdik saqtalady. Bul, basqa áleýmettik toptardyń múddesin shekteý emes, buryn eskerilmeı qalǵan jastardyń múddesi aldyńǵy qatarǵa qoıylady dep oılaımyn. Bul ulttyq múddemizge sáıkes keledi dep oılaımyn.

Aıta keteıik, búgin Ulttyq qoǵamdyq senim keńesiniń tórtinshi otyrysy ótti. Jıynda Prezıdent máslıhat depýtattary korpýsynda jastardyń úlesi 2 paıyz ǵana ekenin aıtqan edi.

Eske salaıyq, 2021 jyldyń 10 qańtarynda Qazaqstanda Májiliske jáne máslıhattarǵa depýtattardy saılaý ótedi.




Joǵary qaraı