Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Agroónerkásipte 4,1 trln teńgege 582 ınvestıtsııalyq joba iske asyrylady - Erbol Qarashókeev

2021 jyldyń 3 jeltoqsan 2021 12:46

NUR-SULTAN. QazAqparat – Senattaǵy parlamenttik tyńdaýda Aýyl sharýashylyǵy mınıstri Erbol Qarashókeev saladaǵy ulttyq jobanyń negizgi mindetterin atady, dep habarlaıdy QazAqparat tilshisi.

«Aýyl sharýashylyǵynda barlyq belgilengen mindetter men sharalar aǵymdaǵy jyldyń sońyna deıin qabyldanatyn 2030 jylǵa deıin agroónerkásiptik keshendi damytý Kontseptsııasynyń jobasynda kórinis tapty. Sondaı-aq, Memleket basshysynyń tapsyrmasy boıynsha 2021 – 2025 jyldarǵa arnalǵan agroónerkásiptik keshendi damytý jónindegi Ulttyq joba bekitilip, iske asyryla bastady», - dedi E. Qarashókeev «Aýyl sharýashylyǵyn damytýdyń ózekti máseleleri men perspektıvalary» taqyrybyna arnalǵan parlamenttik tyńdaýda.

Ulttyq jobanyń negizgi mindetteri:

- birinshiden, aýyl sharýashylyǵyndaǵy eńbek ónimdiligin 2,5 esege arttyrý;

- ekinshiden, otandyq óndiristiń azyq-túlik taýarlarynyń negizgi túrleri boıynsha eldiń ózin-ózi qamtamasyz etýine qol jetkizý;

- úshinshiden, óńdelgen ónimniń úlesin 70%-ǵa deıin jetkize otyryp, agroónerkásiptik keshen ónimderiniń eksportyn 2 esege ulǵaıtý;

- tórtinshiden, 7 iri ekojúıeni qalyptastyrý jáne ınvestıtsııalyq jobalardy iske asyrý esebinen 1 mln aýyl turǵyndarynyń tabysyn turaqty arttyrý.

«Osy mindetterdi sheshý úshin 4,1 trln teńge somasyna keminde 582 ınvestıtsııalyq joba iske asyrylatyn bolady», - dedi mınıstr.

Budan buryn habarlanǵandaı , Erbol Qarashókeev saladaǵy negizgi problemalardy aıtty.

Salany memlekettik qoldaý máselelerinde de eleýli kemshilikter bar. Eń aldymen, bul sýbsıdııalaý tetikteriniń kúrdeliligi, sýbsıdııa alýdyń sharttarynyń kóptigi.


Joǵary qaraı