Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Agrosala ekonomıkalyq turǵydan tıimsiz degen kózqaras sanada berik ornaǵany ras - Abdaly Nuralıev

2020 jyldyń 4 qyrkúıek 2020 17:10

NUR-SULTAN. QazAqparat – Ókinishke qaraı, aýyl sharýashylyǵy ekonomıkalyq turǵydan tıimsiz degen kózqaras, kópshiligimizdiń sanamyzǵa berik ornyqqan. QR Prezıdentiniń Joldaýyna qatysty pikir bildirgen Senat depýtaty Abdaly Nuralıev osylaı dedi, dep habarlaıdy QazAqparat.

Árıne, ár Joldaýdyń óz júgi, óz jaýapkershiligi, mán-mańyzy bolady. Shyn máninde Joldaý – el damýyna serpin beredi. El damýyndaǵy basym baǵyttardy aıqyndaıdy. Mine, Prezıdent Qasym-Jomart ToqaevtyńQazaqstan halqyna arnaǵan «Jańa jaǵdaıdaǵy Qazaqstan: is-qımyl kezeńi» Joldaýy eldiń ál-aýqatyn, qazaqstandyqtardyń ómir sapasyn jaqsartýǵa baǵyttalyp otyrǵandyǵy belgili.

Bizdiń halqymyzdyń 43 paıyzy aýyl turǵyndary bolsa, jer kólemi jaǵynan elimiz álemde toǵyzynshy orynda tur. Endi baılyqtyń atasy – eńbek, anasy – jer degendi eskersek, basty maqsat – aýyl turǵyndaryn nátıjeli eńbekpen qamtamasyz etý, jerdi utymdy paıdalanýǵa qol jetkizý bolýy kerek.

Prezıdent óz Joldaýynda aýyl sharýashylyǵyn damytpaı,básekege qabiletti ekonomıka qurý múmkin emes ekenin bul joly da nyqtap aıtty. «Biz gorızontaldi kooperatsııanyń áleýetin de esten shyǵarmaýymyz qajet. Onsyz agroónerkásip kesheninde qarqyndy damý bolmaıdy. Basy birikpegen jeke qosalqy sharýashylyqtar, shyn máninde, ólmestiń kúnin kórip otyr. Bul rette, sapaly ári mol ónim óndirý, úzdiksiz taýar jetkizý týraly sóz qozǵaýdyń ózi orynsyz. Básekege qabiletsizdik pen ımporttan aryla almaı otyrýymyzdyń sebebi de osynda» dedi Prezıdent Qasym-Jomart Toqaev.

Shynynda, qazir sharýa qojalyqtarynyń sany kóp bolǵanymen, sapasy joq, tipti, kóbisiniń aty bar da zaty joq ekenin jasyryp qaıtemiz. Qarańyz, mundaı usaq sharýashylyqtar eshqashan da jańa tehnıka alýǵa, qarjylyq jeńildikter, janar-jaǵarmaı, tyńaıtqyshtar, pestıtsıdter, qosalqy bólshekter alýǵa qol jetkize almaıdy. Sharýashylyq basshysy barlyq jumysty ózi atqarýǵa májbúr. Aýyspaly egis sııaqty agrotehnologııalardy saqtaı almaıdy jáne qoly qysqa bolǵandyqtan eshteńeni josparlaýǵa múmkindigi joq. Óndiristi ártaraptandyrýǵa baılanysty jumystar júrgizilmeıdi. Al, kooperatsııa qurýdyń artyqshylyǵy mynadaı: munda arnaýly maman kooperatıv músheleriniń erekshelikterin eskere otyryp býhgalterlik esep júrgizedi jáne kooperatıvtiń ortaq nesıe, basqa da kómekter alýǵa múmkindigi mol. Kooperatıv ishinde fermerlerdi belgili bir iske mamandandyrýǵa bolady. Qajetti zatty birlesip arzan baǵamen alýǵa, jergilikti jaǵdaıdy eskere otyryp perspektıvti baǵdarlamalar jasaýǵa múmkindik týady. Aýyspaly egisti engizý jáne zamanaýı tehnıkalardy paıdalaný múmkindigi de artady. Eń bastysy – ortaq tabys árkimniń úlesine qaraı bólinedi jáne kooperatıv ishinde ońashalanǵan jeke menshik saqtalady. Erikti túrde árkim óz paıymen qalaǵan kezde kooperatıvten shyǵa alady.

Árıne, kooperatsııa qurý op-ońaı, ol qurylǵannan keıin tirlik birden alǵa basyp ketedi eken ǵoı dep oılaý da qatelik. Aýylsharýshylyǵy taýar óndeýshiler aıanbaı eńbek etýmen qatar, aldyn-ala josparlaýdy, qolǵa alǵan tirligin bir sátke saraptap, bolashaǵynyń baıandy bolaryna kóz jetkizýi kerek, sodan paıda tabaryna senimdi bolýdy úırený qajet. Shyn máninde, damyǵan memleket kúnkóris saıasatymen emes, josparlaý saıasatymen, uzaq merzimdi damýymen jáne ekonomıkalyq ósýmen aınalysady. Mine, Prezıdent Qasym-Jomart Toqaevtyń óz Joldaýynda «sýbsıdııa jáne salyq jeńildikterin berý baǵdarlamalary aıasynda aýyldyq jerlerdegi kooperatsııany yntalandyrý úshin tıisti sharalar toptamasyn ázirleý qajet» degen tapsyrmasy bul iske serpin beredi dep oılaımyn.

Jer – taýsylmas qazyna, baılyq. Desek te, kópshilik azamattarymyz jer ıgerip, ónim óndirýde sharasyzdyq tanytyp júrgeni árıne, ókinishti. Jasyratyny joq, aýyl sharýashylyǵy ekonomıkalyq turǵydan tıimsiz degen kózqaras, kópshiligimizdiń sanamyzǵa berik ornyqqan. Áıtse de, memleket sońǵy jyldary bul salaǵa úlken qoldaý kórsetip keledi. Tek «alma pis, aýzyma tús» dep armandap júre bermeı, úlken isterge talpyný qajet. Shyn nıetimen eńbek etkenge Jer-Ananyń tósi ıip tur emes pe?!

ıAǵnı, Prezıdent qaı býyndy da belsendi, qaıratty bolýǵa, sharýaǵa beıim, ýaqyttyń talabyna saı isker bolýǵa úndep otyr. «Jańa jaǵdaıdaǵy Qazaqstan: is-qımyl kezeńi» Joldaýy táýelsiz elimizdiń ósip-órkendeýi men onyń halqynyń baqytty, beıbit ómir súrýiniń kepili bolady dep senemiz.


Joǵary qaraı