Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aǵylshyn tili oqýlyǵynda shet eldiń ıdeologııasyn nasıhattaıtyn mátinder bar – Maqpal Tájmaǵambetova

2021 jyldyń 16 maýsym 2021 12:33

NUR-SULTAN. QazAqparat – Májilistiń jalpy otyrysynda «Nur Otan» partııasy fraktsııanyń múshesi, depýtat Maqpal Tájmaǵambetova 1-5 synyptarǵa arnalǵan aǵylshyn tili oqýlyǵyndaǵy birqatar máseleni kóterdi, dep habarlaıdy QazAqparat tilshisi.

«Aǵylshyn tilin oqytýǵa arnalǵan oqýlyqtarǵa QR Bilim jáne ǵylym mınıstrligi tarapynan oń saraptama berilgen. Bul oqýlyqtar «Ekspress Pablıshın» baspasynan basylyp shyqqan. Syrtqy muqabasynda aýdarylǵan dep jazylǵanmen, aýdarma emes. 2016 jyldan beri osy baspanyń Qazaqstandaǵy resmı ókili «EDU Stream» kompanııasy shyǵaryp otyrǵan. Ózgesheligi - Qazaqstan balalarynyń sýretterin paıdalanyp taqyrypty ashýǵa tyrysqan. Sana-sezimi jańa qalyptasyp kele jatqan búldirshinge arnalǵan kez kelgen oqýlyq ulttyq ıdeologııa turǵysynan jasaqtalýy kerek. Al bul kitaptardan qazaqtyń ulttyq uǵymyna, dástúrli tárbıesine kelmeıtin, sheteldiń ıdeologııasyn nasıhattaıtyn ıllıýstratsııalar men mátinderdi kóptep kezdestirýge bolady», - dedi Maqpal Tájmaǵambetova Úkimet basshysynyń orynbasary Eraly Toǵjanovtyń atyna joldaǵan saýalynda.

«Ekinshi synypqa arnalǵan oqýlyqta ulttyq dástúrdiń qataryna pasha men maslennıtsany engizipti. Muny árıne, qazaqstandyq merekeler dep kórsetse túsinýge bolady. Qazaqtyń salt-dástúrleri men ádet-ǵuryptary dep jazylǵan taqyrypta shildehana men balany qyrqynan shyǵarý sııaqty salt-dástúrdiń janynda dinı merekeler nege júr?», - dedi depýtat.

Osy oraıda oqý baǵdarlamasynda qatelikter jibergen oqýlyqtarǵa qatysty tıisti usynystar aıtyldy:

Birinshiden, Bilim jáne ǵylym mınıstrligi bilim baǵdarlamasyna engizgen atalmysh aǵylshyn tili oqýlyqtaryn qaıta saraptap, jiberilgen óreskel qatelikterge jaýapkershilikti kúsheıtý suraldy.

Ekinshiden, oqýlyq ázirleýde oǵan saraptama júrgizý qaǵıdattaryn jiti qarap, normatıvtik-quqyqtyq aktilerdiń talaptaryn bilim jáne tárbıe komponentteriniń tutastyǵy aıasynda kúsheıtý qajet.

Úshinshiden, oqýlyq qurastyrýda basshylyqqa alatyn Úlgilik oqý baǵdarlamasyna saraptama jasalyp, baǵdarlama ázirleýshi toptyń quramyn qaıta qaraý kerek. Saraptamalyq komıssııa quramyna tek aǵylshyn tili muǵalimderi emes, balalar psıhologynan bastap, sýretshi pedagog, etnograf, qazaq tili mamandary, ádebıetshiler taǵy da basqa mamandardy engizý kerek.

Tórtinshiden, oqýlyqty basyp shyǵarýda sheteldik emes, óz otandyq baspalarymyzdy qarastyrý qajet. Ulttyń jańa bolmysyn qalyptastyrý kezeńinde mundaı oqýlyqtar Qazaqstannyń bolashaǵyna jaýap beretin, óz Otanyn qadirleıtin urpaqty tárbıeleý úshin óte mańyzdy.


Avtor Rýslan Ǵabbasov
Basty sózder: Parlament, Bilim,
Joǵary qaraı