Aýa raıy
Astana 9 °S
Almaty 15 °S
valıýta baǵamy
USD 389.52
EUR 429.21
RUB 6.07
CNY 54.94

Ahmet Baıtursynuly atyndaǵy baıqaýdyń úzdik ustazdary anyqtaldy

2019 jyldyń 12 qyrkúıek 2019 22:44

NUR-SULTAN. QazAqparat - Búgin elordada pedagogtar arasynda Ahmet Baıtursynuly atyndaǵy respýblıkalyq baıqaýy ótti, dep habarlaıdy QazAqparat.


Baıqaý uıymdastyrýshysy - QR Mádenıet jáne sport mınıstrligi Til saıasaty komıteti Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy. Shara maqsaty - Ahmet Baıtursynulynyń ǵylymı-pedagogıkalyq muralarynynyń sabaqtastyǵyn jalǵastyrý. Uly tulǵanyń ádistemelik ıdeıalaryn, qazaq tiliniń memlekettik til retindegi mártebesin ulyqtaý jáne qoldanylý aıasyn keńeıtýdegi oqytýshylar isin dáripteý.
Bıyl baıqaýǵa Aqmola, Qaraǵandy, Batys Qazaqstan, Qyzylorda, Pavlodar, Atyraý, Túrkistan, Shyǵys Qazaqstan, Aqtóbe, Jambyl, Soltústik Qazaqstan, Qostanaı oblystary men Nur-Sultan, Almaty, Shymkent qalalarynan 15 ustaz qatysty.
«Bul baıqaýdan kútip otyrǵan nátıjemiz - qazaq tilin oqytýdyń ınnovatsııalyq ádis-tásilderin anyqtaý jáne taratý, oqytýshylardyń kásibı biliktiligin arttyrý jáne ózara tájirıbe almasýy, eresekterge qazaq tilinen sabaq berýdiń sapasyn arttyrý» - dedi ashylý saltanatynda Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynyń bas dırektory Álibek Asqar.
Sondaı-aq QR Parlamenti Májilisiniń depýtaty Abaı Tasbolatov, Senat depýtaty Nurtóre Júsip baıqaý qatynasýshylaryna tilegin bildirdi.
Baıqaý tórine birinshi bolyp Aqtóbelik Altyngúl Táńirbergenova, qyzylordalyq Ásel Baqytova, elordalyq Erkebulan Erbolatuly, pavlodarlyq Qazyna Qadas, qaraǵandylyq Mýnıra Aǵymbaeva, batysqazaqstandyq Indıra Baımoldına, atyraýlyq Áıgerim Qoıtanovalar kóterilip, ózderiniń elektrondyq portfolıosyn tanystyrdy. Pedagogıkalyq-psıhologııalyq jaǵdaıattarǵa arnalǵan tapsyrmalary men ozyq sabaq úlgilerin kórsetip, ádis-tásilderin usyndy.
Al fılologııa ǵylymynyń doktory, professor, QR UǴA korrespondent-múshesi Sherýbaı Qurmanbaıuly bastaǵan ádil qazylar alqasy jeńimpazdar men júldegerlerdi anyqtady.
Bas júldeni Qostanaı oblysynan Janat Dosybaeva jeńip aldy. Birinshi oryn Nur-Sultan qalasynan Erkebulan Erbolatulyna, ekinshi oryn Qaraǵandy oblysynan Mýnıra Aǵymbaevaǵa, úshinshi oryn ShQO ustazy Ásem Mamyranovaǵa buıyrdy.
Yntalandyrý syılyǵyn qyzylordalyq muǵalim Ásel Baqytova, jambyldyq AqbotaTusynbekova jáne shymkenttik pedagog Aısulý Ospanova aldy.
«Endigi mindet – ulttyq pedagogıkamyzdyń tarıhı, mádenı ári rýhanı aspektilerin jáne bilim berýdiń zamanaýı jetistikterin ushtastyra otyryp, elimizdiń bilim berý salasyn damytýǵa úles qosý. Osy oraıda, respýblıka kóleminde oqytýshylardyń kásibı biliktiligin artyrýdy ult zııalylarynyń pedagogıkalyq tájirbıesine negizdep júrgizý kezek kúttirmes is», - dedi Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynan.









Avtor Qanat Mámetqazyuly
Basty sózder: Bilim, Nur-Sultan,
Joǵary qaraı