Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aıda Balaeva Almatyda qoǵamdyq keńes múshelerimen kezdesti

2021 jyldyń 1 qazan 2021 18:33

ALMATY. QazAqparat – Aqparat jáne qoǵamdyq damý mınıstri Aıda Balaeva Almaty qalalyq qoǵamdyq keńes múshelerimen kezdesti, dep habarlaıdy QazAqparat tilshisi.

Kezdesý barysynda «Qoǵamdyq keńester týraly» zań jobasyna engizilgen ózgerister talqylandy.

«Jyl basynda Memleket basshysy atalǵan zańǵa qol qoıdy. Qoǵamdyq keńesterdiń ókilettigi keńeıdi. Osy zań qabyldanǵan ýaqyttan beri qoǵamdyq keńesterdiń jumysynda aıtarlyqtaı ózgerister boldy. Ózderińizge málim, Memleket basshysy Qasym-Jomart Toqaev bıylǵy Qazaqstan halqyna Joldaýynda azamattyq qoǵamdy damytý máselesine aıryqsha toqtaldy. Atap aıtqanda, jergilikti ózin-ózi basqarý júıesin odan ári jańǵyrtýdyń mańyzdy faktory – azamattyq mádenıetti damytý ekenin atady. Dıalog pen azamattyq qatysý dástúrin damytý, yntymaqtastyǵymyz ben birligimizge negiz bolatyn ozyq qundylyqtardy dáripteý - biz úshin mańyzdy. Árıne, bul iste bizge táýelsiz ınstıtýt retinde qalyptasqan qoǵamdyq keńesterdiń qoldaýy qajet»,- dedi mınstr.

Sondaı -aq, Aıda Balaeva qoǵamdyq keńesterdiń qyzmetin jetildirý men úılestirý boıynsha mınıstrlik tarapynan júrgizilip jatqan jumystardy aıtty.




Qoǵamdyq keńes múshelerimen birge zańǵa táýeldi aktiler ázirlendi: Qoǵamdyq keńes týraly úlgi ereje, Qoǵamdyq baqylaýdy uıymdastyrý men júrgizý erejesi, Qoǵamdyq keńester quramy boıynsha usynymdar.

Bul normatıvtik aktiler túgel máslıhattarǵa, ákimdikterge jáne tikeleı qoǵamdyq keńesterge jiberildi.

Zańnamanyń negizgi erejelerin túsindirý úshin birqatar ádistemelik oqytý semınarlary ótkizildi.

Kvazımemlekettik sektordyń 12 sýbektisinde qoǵamdyq keńes quryldy. «Samuryq Qazyna» qorynyń qoǵamdyq keńesi qazir qurylyp jatyr.

«Búgingi tańda Qazaqstanda 249 qoǵamdyq keńes bar, onyń 33-i - respýblıkalyq, 216-sy - jergilikti deńgeıde. Mınıstrlik «Rýhanı jańǵyrý» áleýmettik damý ınstıtýtymen jáne sarapshylar qaýymdastyǵymen birge qoǵamdyq keńes týraly Ulttyq baıandama ázirlep jatyr. Keshe ǵana, 30 qyrkúıekte, atalǵan jobanyń saraptamalyq talqylaýy ótti. Sonymen qatar, qoǵamdyq keńesterdiń turǵyndarmen keri baılanys mehanızmderin kúsheıtý úshin «KAZKENES» aqparattyq portalyn tanymal etý boıynsha jumys júrgizilýde. Ol arqyly azamattar elimizdiń barlyq aımaqtaryndaǵy qoǵamdyq keńesterge júgine alady «, - dedi ol.

Eske salaıyq, bıylǵy 3 qańtarda Memleket basshysy «Qazaqstan Respýblıkasynyń keıbir zańnamalyq aktilerine qoǵamdyq keńesterdiń qyzmeti máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy.


















Joǵary qaraı