Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aıda Balaeva Almatyda ÚEU ókilderimen kezdesti

2021 jyldyń 17 mamyr 2021 21:57

NUR-SULTAN. QazAqparat - Búgin Aqparat jáne qoǵamdyq damý mınıstri Aıda Balaeva úkimettik emes uıym (ÚEU) ókilderimen qaıyrymdylyq jáne volonterlik, granttar týraly zań jobasynyń máselelerin talqylady, dep habarlaıdy QazAqparat mınıstrliktiń baspasóz qyzmetine silteme jasap.

Kezdesýge Soros-Qazaqstan Qory basqarmasynyń tóraǵasy A. Aıdarqulova jáne Soros-Qazaqstan qory baǵdarlamalarynyń dırektory B. Aıazbaeva, sondaı-aq Adam quqyqtary jáne zańdylyqty saqtaý jónindegi Qazaqstan halyqaralyq bıýrosynyń dırektory E. Jovtıs, kommertsııalyq emes quqyq suraqtary boıynsha sarapshy G. Kýjekeeva, Caspian University qoǵamdyq quqyq ǴZI dırektory R.Podoprıgora qatysty.








Mınıstr qaıyrymdylyq, volonterlik salalaryndaǵy memlekettik sharalar týraly, sondaı-aq ÚEU-ny memlekettik qoldaý tetikterin jetildirý jóninde aıtyp berdi.
A.Balaeva qaıyrymdylyq pen volonterlikti damytý men qoldaý – azamattyq qoǵamdy qalyptastyrý men damytýdyń negizgi faktorlarynyń biri ekenin atap ótti.

«Memleket basshysynyń volonter jylyn aıaqtaý aıasynda bergen tapsyrmalaryn, quqyq qoldaný tájirıbesin taldaý, halyqaralyq tájirıbe, sondaı-aq, ÚEU, volonterlik jáne qaıyrymdylyq uıymdarynyń, Jumys toby músheleriniń usynystaryn eskere otyryp, Mınıstrlik azamattyq qoǵam ókilderimen birlesip, «Keıbir zańnamalyq aktilerge volonterlik qyzmet, qaıyrymdylyq, memlekettik áleýmettik tapsyrys jáne úkimettik emes uıymdarǵa arnalǵan granttar máseleleri boıynsha ózgerister men tolyqtyrýlar engizý týraly» Zań jobasyn ázirledi», — dedi A.Balaeva.





Ol kezdesýdiń qatysýshylaryna zań jobasy 2021 jylǵa arnalǵan tıisti jumys josparyna engizilgenin, atalǵan josparǵa sáıkes Úkimetke shilde aıynda, al Májiliske aǵymdaǵy jyldyń qyrkúıeginde engizý josparlanǵanyn habarlady.
Qazirgi ýaqytta sybaılas jemqorlyqqa qarsy jáne ǵylymı-quqyqtyq saraptama usynymdary alyndy.

Kezdesýdiń qatysýshylary memleket pen úkimettik emes sektor arasyndaǵy ózara is-qımyldy odan ári damytýdyń ózektiligin rastady, sondaı-aq usynylyp otyrǵan zań jobasyna qatysty normalar boıynsha óz usynystaryn aıtty.





Búgingi pikir almasýda alynǵan usynymdar men usynystardy eskere otyryp, zań jobasyn pysyqtaý, jumys tobynyń otyrysyna engizý jáne memlekettik organdarmen kelisý josparlandy.


Joǵary qaraı