Aýa raıy
Astana -20 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Aıda Balaeva qazaqstandyqtardy Rýhanı kelisim kúnimen quttyqtady

2020 jyldyń 18 qazan 2020 11:08

NUR-SULTAN. QazAqparat - Búgin Qazaqstan Rýhanı kelisim kúnin atap ótip jatyr. Osyǵan oraı Aqparat jáne qoǵamdyq damý mınıstri Aıda Balaeva qazaqstandyqtardy ataýly merekemen quttyqtady, dep habarlaıdy QazAqparat tilshisi.

«Qazaqstan halqynyń alýan túrli rýhanı mádenıeti azamattarymyzdyń arasyndaǵy birlik pen ózara túsinistikti nyǵaıtýǵa negiz bolǵany belgili. Táýelsizdiktiń alǵashqy kúninen bastap-aq memleket ekonomıkalyq jáne saıası damýmen qatar konfessııaaralyq ári etnosaralyq kelisim saıasatyn ilgerletýge arnalǵan baǵdardy jarııa etken edi. Qazaqstan halqynyń rýhanı mádenı qundylyqtaryn túsine otyryp, 18 qazan Rýhanı kelisim kúni dep jarııalandy», - dep jazdy Aıda Balaeva Facebook paraqshasynda.

Onyń aıtýynsha, etnosyna, áleýmettik toptarǵa, saıası jáne dinı senimge qaramastan barlyq qazaqstandyqty biriktirýge arnalǵan osyndaı datanyń bolǵany erekshe qýantady.

«Aýyzbirshilik pen rýhanı-adamgershilik baǵdarlary beıbitshilik pen ózara túsinistikti qamtamasyz etý úshin myqty irgetas qyzmetin atqaratyndyǵyna, elimizdiń odan ary damyp, gúldenýine septigin tıgizetindigine nyq senimdimin. Osynaý ataýly kúnde myqty densaýlyq, baqyt, jaqsylyq pen baılyq tilegim keledi», - dep tilegin jetkizdi mınıstr.


Joǵary qaraı