Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Aıda Balaeva Qoǵamdyq keńesterdiń jumysy týraly taqyryptyq apta ótkizýdi usyndy

2021 jyldyń 9 jeltoqsan 2021 19:08

NUR-SULTAN. QazAqparat - Aqparat jáne qoǵamdyq damý salasyndaǵy qoǵamdyq keńestiń kezekti otyrysy ótti. Oǵan Keńestiń barlyq belsendi músheleri, sondaı-aq úkimettik emes uıymdar ókilderi, vedomstvolyq baǵynysty uıymdar basshylary qatysty, dep habarlaıdy QazAqparat.

Aqparat jáne qoǵamdyq damý salasyndaǵy qoǵamdyq keńestiń tóraǵasy Darhan Myńbaıdyń tóraǵalyǵymen jáne Aqparat jáne qoǵamdyq damý mınıstri Aıda Balaevanyń qatysýymen ótken otyrystyń kún tártibi «Ulttyq rýhanı jańǵyrý» ulttyq jobasynyń, sondaı-aq Qazaqstan Táýelsizdiginiń 30 jyldyǵyn merekeleý aıasyndaǵy is-sharalar josparynyń suraqtaryna arnaldy.

21 kórsetkish pen 66 iri is-sharany qamtıtyn «Ulttyq rýhanı jańǵyrý» ulttyq jobasynyń negizgi úsh baǵytyn iske asyrý barysy týraly «Rýhanı jańǵyrý» baǵdarlamasyn úılestirý departamentiniń dırektory Ý.Tnalıev aıtyp berdi.

Óz kezeginde, Azamattyq qoǵam isteri komıtetiniń tóraǵasy M. Qojahmet Qazaqstan Táýelsizdiginiń 30 jyldyǵyn merekeleýge josparlanǵan 101 is-sharanyń 75-i iske asyrylǵany týraly Qoǵamdyq keńes múshelerin habardar etti. «Qalǵan is-sharalar respýblıkalyq josparǵa sáıkes belgilengen merzimde jeltoqsan aıynyń sońyna deıin júzege asyrylady», - dedi M.Qojahmet.

Qoǵamdyq keńes músheleri mınıstr A.Balaevanyń 2022 jyly azamattyq qoǵam ókilderiniń qatysýymen qoǵamdyq keńesterdiń taqyryptyq aptalyǵyn ótkizý jónindegi ıdeıasyn qoldady.

Darhan Myńbaı bul ıdeıanyń ózektiligin atap ótti. Ol Aqparat jáne qoǵamdyq damý mınıstrligi Qoǵamdyq keńesterdiń qyzmeti jónindegi ýákiletti ortalyq memlekettik organ ekendigin atap ótti.

Aıda Balaevanyń aıtýynsha, bul shara azamattyq qoǵamnyń mańyzdy ınstıtýtynyń aldyn ala qorytyndylaryn shyǵarý úshin de, sondaı-aq olardyń Qazaqstandaǵy qyzmetin odan ári jetildirý boıynsha tásilderdi ázirleý úshin de ózekti.

Aqparat jáne qoǵamdyq damý mınıstrliginen málim etkendeı, jalpy, otyrys qorytyndysy boıynsha Qoǵamdyq keńes músheleri vedomstvonyń júrgizip otyrǵan jumysynda eskeriletin usynymdar ázirledi.

Qoǵamdyq keńestiń kezekti otyrysyn 2022 jyldyń I toqsanynda ótkizý josparlanǵan.


Joǵary qaraı