Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aıda Balaeva pandemııadan keıin álemdegi aqparattyq tehnologııalardyń róli týraly aıtty

2021 jyldyń 16 qyrkúıek 2021 14:45

NUR-SULTAN. QazAqparat – QR Aqparat jáne qoǵamdyq damý mınıstri Aıda Balaeva XVII Eýrazııa medıa forýmynda pandemııanyń qoǵamǵa qalaı yqpal etkenin aıtty, dep habarlaıdy QazAqparat tilshisi.

«Búgingi forýmnyń basty taqyryby – álemniń pandemııadan keıin qalaı ózgergeni. Aldymen koronavırýstyń adamdarǵa jańa qaýip emestiginen bastaıyq. Tarıhta birneshe ret taralǵan qara oba, sheshek, kúıdirgi syndy mysaldar bar. Biraq alǵash ret bizdiń zamanda vırýstyń taralýy jan-jaqty, planetalyq sıpatta boldy jáne bul álemdi ózgertip, ekonomıkanyń barlyq salalaryna yqpal etti jáne basqarý salasyna áserin tıgizdi. Eń bastysy, pandemııa bizge, ár adamǵa jeke áser etti. Maska, qorǵanys quraldary sırek bolsa, búginde olar úırenshikti jaǵdaıǵa aınaldy. Biraq bul - tek syrtqy jaǵy, qoǵam ómiriniń barlyq salalaryndaǵy tereń ishki ózgerister áldeqaıda mańyzdy», - dedi mınıstr forýmnyń «Pandemııa álemdi qalaı ózgertti jáne jahandyq ómir súrýdiń jańa baǵyttaryn qalaı anyqtady?» sessııasynda.

A. Balaevanyń aıtýynsha, pandemııada adamdar óndiristerden basqa qyzmetti jumys ornyna baılanystyrmaı-aq júrgizýge bolatynyn úırendi.

Aqparattyq tehnologııalardyń arqasynda basqarýǵa kóp zııan keltirmesten karantındik sharalardy oryndaı aldy jáne lokdaýn jarııalady.

«Osyǵan qaramastan koronavırýs qurbandarynyń sany 4 mıllıonnan asty. Salystyryp qarar bolsaq, HHІ ǵasyrdyń basynan bastap alǵashqy 14 jylda statıstıka júrgizilgen qaqtyǵystarda 780 myń adam qaıtys boldy. Sondaı-aq, pandemııa elder men qurlyqtar arasyndaǵy kólik qatynasyn kúrt tómendetti. Alaıda, aqparattyq tehnologııalar kómegimen biz syrtpen baılanysty joǵaltpadyq, olardy vırtýaldy keńistikke tolyǵymen aýystyrdyq. Álem jańa jaǵdaıǵa birden jaýap qatty. 2019 jyldyń jeltoqsan aıynda barlyǵyna tanymal ZOOM servısin paıdalanýshylar sany 10 mln bolsa, 2020 jyldyń naýryz aıynda olar 200 mln-ǵa deıin ósken», - dep atap ótti Aıda Balaeva.

Aıta keteıik, búgin Nur-Sultanda XVII Eýrazııalyq medıa forýmnyń jumysy resmı túrde ashyldy. Forým 17 qyrkúıekke deıin jalǵasady.


Joǵary qaraı