Aýa raıy
Astana 5 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

Aıda Balaeva prezıdenttik kadrlyq rezervke kirgen jastarmen kezdesti

2020 jyldyń 15 tamyz 2020 14:49

NUR-SULTAN. QazAqparat - Búgingi kúni halyqpen belsendi keri baılanysty jolǵa qoıyp, olardy tyńdaý, suranystaryna jaýap berý óte mańyzdy. Bul týraly búgin Zoom tuǵyrnamasynda prezıdenttik kadrlyq rezervke kirgen jastarmen onlaın rejımde kezdesken QR Aqparat jáne qoǵamdyq damý mınıstri Aıda Balaeva aıtty, dep habarlaıdy QazAqparat tilshisi.

«Mańyzdy salalardyń biri - jastar saıasaty. Biz ádisterin ózgerttik. Olar jastardyń jas erekshelikterine baılanysty qyzyǵýshylyqtaryna jáne áleýmettik sanatyn oraı saralanady. Áleýmettendirilgen toptyń bar ekendigi túsinikti. Biraq, Biz qamtymaǵan jastar da bar. Olarmen ózara is-qımyldy qalaı jolǵa qoıý kerek, qandaı jobalardy júzege asyrǵan jón degen máselelermen jumys isteý qajet. Osy oraıda jastardyń belgili bir sanatyna qyzyqty jobalar usynǵandaryńyzdy qalaımyz», - dedi mınıstr prezıdenttik kadrlyq rezervke kirgen jastarǵa.

Onyń atap ótýinshe, otbasylyq saıasat salasynda otbasylyq qundylyqtardy nasıhattaý qajet. Ulttyq kodty saqtap qalý da mańyzdy máselelerdiń biri. Óıtkeni, qazirgi jahandaný dáýirinde ulttyq tilden, mádenıetten, salt-dástúrden aıyryp qalý op-ońaı.

«Munyń barlyǵy otbasydan bastalady. Sondyqtan osynaý otbasylyq qundylyqtardy nasıhattaý mańyzdy. Ajyrasý sany artyp barady. Sebebi san alýan: minezdiń úılespeýi, turmystyq problemalar. Osy rette jas otbasylar arasyndaǵy ajyrasý paıyzyn barynsha qysqartý úshin tyǵyz ózara is-qımyl jasaýymyz mańyzdy bolyp otyr», - dedi ol.

Sonymen qatar mınıstr dinaralyq kelisimdi saqtaý máselesine de aıryqsha toqtalyp, destrýktıvti sektor tarapynan úlken syn-tegeýrin bolyp turǵandyǵyn ashyq aıtty. Problema adamnyń dinshildigine emes, onyń dinı saýatsyzdyǵynda ekendigin aıryqsha atap ótti.

«Teologtarymyz barlyq ýaqytta belgili bir dinı uıymnyń erekshelikteri daıynda qyzyqty ári jetesine jetkizip aıta almaýy da múmkin. Biz bul baǵytta jańa formalar men ádister ázirleýimiz qajet. Turmystyq janjaldyń etnosaralyq alaýyzdyqqa aınalyp ketýge beıim ekendigin ózderińiz de kórip otyrsyzdar. Buǵan jol berýge bolmaıdy. Óıtkeni, bul óte názik sala. Elimizde oryn alǵan turaqtylyqty saqtaý jáne qarapaıym turmystyq jandaldardy etnosaralyq shıeleniske órshýinejol bermeýimiz kerek. Sondyqtan ózderińizdi taǵy da belsendi yntymaqtastyqqa shaqyramyn», dedi Aıda Balaeva jastarǵa qarata.


Joǵary qaraı