Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aıda Balaeva tarıhı serıaldar týraly: Oryndy syn estýge árqashan daıynbyz

2021 jyldyń 2 jeltoqsan 2021 19:44

NUR-SULTAN. QazAqparat – Kazmedia ortalyǵynda ótken tarıhı serıaldardyń tanystyrylymynda QR Aqparat jáne qoǵamdyq damý mınıstri Aıda Balaeva tarıhı mazmundaǵy kontenttiń mańyzy týraly pikir bildirdi, dep habarlaıdy QazAqparat tilshisi.

«Kıno túsirý, sonyń ishinde tarıhı medıaónim shyǵarý – bir sáttik qyzyq dúnıe jasaý emes. Bul – joǵary sapany, tereń mazmundy qajet etetin kúrdeli sala. Sonyń ishinde ásirese tarıhı serıaldar – urpaq sanasyn qalyptastyratyn ıdeologııalyq qural. Sondyqtan da Memleket basshysy Qasym-Jomart Toqaev «Táýelsizdik bárinen qymbat» atty maqalasynda osy máselege erekshe nazar aýdarǵan bolatyn. Munyń ózindik máni bar. Táýelsizdiktiń qunyn bilip, onyń qadir-qasıetin baǵalaý úshin biz ótkenimizdi umytpaýymyz kerek. Tarıhta qandaı joldardan óttik, qandaı tulǵalar boldy? Bárin urpaqqa uǵyndyrý kerek. Sondyqtan da Prezıdent ult tulǵalaryn nasıhattaıtyn tarıhı serıaldardy kóbeıtýdi tapsyrdy. Osy serıaldar arqyly biz óskeleń urpaqqa tarıhı tulǵalar men olardyń ónegeli ómirin tanystyramyz», - degen Aıda Balaeva Qazaqstan telearnasy túsirgen 6 tarıhı serıaldyń kórermen nazaryna jýyqta kógildir ekrannan usynylatynyn, negizgi baǵany sol kórermen beretinin atady.

«Árıne, minsiz dúnıe bolmaıdy. Sondyqtan tek qana maqtaý kútip otyrmaı, oryndy syn estýge daıynbyz. Ol óte mańyzdy. Sizderdiń ádil baǵalaryńyz, eskertýlerińiz, shynaıy pikirlerińiz arqyly kemshilikter anyqtalady, tájirıe jınalyp, kelesi ónimderdiń sapasyn arttyrýǵa septigin tıgizedi», - dedi mınıstr.


Joǵary qaraı