Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Aıda Balaeva: «Ulttyq kod» – ol bizdiń erteńgi ult bolyp qalýymyzdyń kepili

2021 jyldyń 21 qazan 2021 15:18

NUR-SULTAN. QazAqparat – QR Aqparat jáne qoǵamdyq damý mınıstri Aıda Balaeva «Ulttyq rýhanı jańǵyrý» ulttyq jobasynyń negizgi maqsatyn aıtty, dep habarlaıdy QazAqparat tilshisi.

«Ózderińizge málim, bıyl 13 qazanda Memleket basshysy Ulttyq jobalar tizbesin bekitý týraly Jarlyqqa qol qoıdy. Onyń negizinde 10 naqty Ulttyq joba anyqtaldy. Sonyń ishinde, «Ulttyq rýhanı jańǵyrý» jobasy – 3 baǵyt, 7 mindet, 21 kórsetkish, 66 aýqymdy is-sharadan turady. Jobanyń negizgi maqsaty – ulttyq kodty saqtap, mádenı biregeılikti jańǵyrtý, ulttyq qundylyqtar men salt-dástúrdi nasıhattaý arqyly – qoǵamnyń mádenı deńgeıin, talǵamyn jáne rýhyn kóterý», - dedi A. Balaeva Ortalyq kommýnıkatsııalar qyzmetinde.




Sonymen qatar ol jastarǵa jańa múmkindikter ashyp, olardyń túrli bastamalaryn jan-jaqty qoldaý eskerilenin aıtty.

«Sóz joq, mazmuny jaǵynan bul máni tereń, aýqymy óte keń joba. Bul – qanshama ǵasyrlar boıy qalyptasqan halqymyzdyń mádenı bolmysy, tarıhy men tamyry. Sondyqtan, ásirese, qazirgi jahandaný kezeńinde ony saqtap qalý, urpaq boıyna sińirýdiń mańyzy zor. Óıtkeni, búgingi urpaq boıyna «ulttyq kod» uǵymyn qanshalyqty tereń sińirsek – ol bizdiń erteńgi ult bolyp qalýymyzdyń kepili. Mine, osy máselelerdi sheshý úshin jobany úsh negizgi baǵytta iske asyrý kózdelip otyr», - dedi mınıstr.





Joǵary qaraı